આમિર ખાનની ‘3 Idiots’માં ઉડાવ્યુ હતું ડ્રોન, હવે કંપની લાવી રહી છે IPO; તૈયાર રાખો રૂપિયા

નવી દિલ્હીઃ ડ્રોન બનાવનારી કંપની આઈડિયાફોર્જ ટેકનોલોજીએ IPO દ્વારા રૂપિયા એકત્રિત કરવા માટે શેરબજાર નિયામક સેબી પાસે પ્રાથમિક મંજૂરી દસ્તાવેજ જમા કરાવ્યા છે. સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયાની પાસે જમા કરવામાં આવેલા DRHP પ્રમાણે, આઈડિયા ફોર્જ 300 કરોડ રૂપિયાના મૂલ્યના શેર બહાર પાડશે. આ ઉપરાંત પ્રવર્તક અને વર્તમાન શેરધારકોની તરફથી 48,69,712 શેરોનું ઓફર ફોર સેલ પણ કરવામાં આવશે. આ ઉપરાંત કંપની 60 કરોડ રૂપિયા સુધીના શેર બહાર પાડવા પર પણ વિચાર કરી રહી છે.

મુંબઈ સ્થિત આઈડિયાફોર્ડ ટેકનોલોજીની સ્થાપના 2007માં થઈ હતી. તેણે દેશભરમાં સૌથી વધારે સ્વદેશી માનવ રહિત એરિયલ વ્હીકલ તહેનાત કર્યા છે. તેનાથી ગ્રાહકોમાં સશસ્ત્ર બળ, કેન્દ્રીય પોલીસ બળ, રાજ્ય પોલીસ વિભાગ, ડિઝાસ્ટર મેનેજમેન્ટ વિભાગ અને વન વિભાગનો પણ સમાવેશ થાય છે.

કંપનીનું એક પ્રોટોટાઈપ અમીર ખાનની ફિલ્મ 3 Idiotsમાં જોવા મળ્યું હતુ. આ યૂએવીને ફિલ્મમાં રેન્ચો નામના કેરેક્ટર દ્વારા ઠીક કરવામાં આવ્યું હતું. જે ભૂમિકા અમીર ખાને નિભાવી હતી. આ યૂએવી પર ડીઆરડીઓની નજર પડી, ત્યારપછી આ પ્રોજેક્ટે ઝડપ પકડી. આઈઆઈટી બોમ્બેના પૂર્વ વિદ્યાર્થીએ ideaForge નામના ફર્મની સ્થાપના કરી હતી, જે ડિફેન્સ અને હોમલેન્ડ સિક્યોરિટી UAV સેગમેન્ટની દેશની દિગ્ગજ કંપનીઓમાંથી એક છે.

મીડિયા રિપોર્ટ અનુસાર, IPO દ્વારા મેળવેલી રકમનો ઉપયોગ દેવું ચૂકવવા, ઉત્પાદનોનો વિકાસ કરવા અને વર્કિંગ કેપિટલની જરૂરિયાતને પૂરી કરવા માટે કરવામાં આવશે. કંપનીએ IPO માટે જેએમ ફાઈનાન્શિયલ અને IIFL કેપિટલને ઈન્વેસ્ટમેન્ટ બેંકર નિયુક્ત કર્યા છે.

આ પહેલા દ્વોણાચાર્ય એરિયલ ઈનોવેશનનો આઈપીઓ માર્કેટમાં આવ્યો હતો. આ આઈપીઓને રોકાણકારોનો જોરદાર પ્રતિભાવ મળ્યો હતો. 13થી 15 ડિસેમ્બર 2022 સુધી આઈપીઓ અરજી કરવા માટે ખુલ્યો હતો. કંપનીએ 52 અને 54 રૂપિયા પ્રતિ શેર આઈપીઓનો પ્રાઈસ બેન્ડ ફીક્સ કર્યો હતો અને રિટેલ રોકાણકારો માટે 2,000 શેર્સનો એક લોટ 1.08 લાખ રૂપિયા રાખવામાં આવ્યો હતો. અમીર અને રણવીરે પણ ડ્રોનઆચાર્યમાં રૂપિયા લગાવ્યા હતા.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)