દિવાળી પર કાર-હોમ લોન પર આ બેંકો આપી રહી છે આકર્ષક ઓફર, ચેક કરો વ્યાજ દર

ઘણા લોકો દિવાળી (Diwali Festival) દરમિયાન ઘર અથવા કાર ખરીદવા (Buying Home & Car on Diwali)નું વિચારે છે અથવા તેમના ઘરનું રીનોવેશન કરે છે અથવા મોંઘા કન્ઝ્યુમર ડ્યુરેબલ્સની ખરીદી કરે છે, કારણ કે દિવાળીના દિવસોને શુભ સમયગાળો માનવામાં આવે છે. રિટેલ લોનધારકોને આકર્ષવા માટે બેન્ક ઓફ બરોડા, એચડીએફસી બેન્ક, આઇસીઆઇસીઆઇ (ICICI) બેન્ક, સ્ટેટ બેન્ક ઓફ ઇન્ડિયા (SBI) અને અન્ય બેન્કોએ મર્યાદિત સમયગાળા માટે અનેક પ્રકારની લોન ઓફર (Different Loan offer in banks)ની જાહેરાત કરી છે. જેમાંથી અમે તમને ટોચની 10 બેંકો (Top 10 Banking loan Offers) વિશે જણાવવા જઇ રહ્યા છીએ.

એસબીઆઈ વાર્ષિક 8.4 ટકાથી શરૂ થતી હોમ લોન અને 8.8 ટકાથી શરૂ થતી ટોપ-અપ લોન ઓફર કરી રહી છે. આ તહેવારોની સિઝનમાં આ લોન પર પ્રોસેસિંગ ફી માફ કરવામાં આવે છે.

જાહેર ક્ષેત્રની બીજી સૌથી મોટી બેન્ક બેન્ક ઓફ બરોડા વાર્ષિક 8.45 ટકાથી શરૂ થતી હોમ લોન ઓફર કરી રહી છે. તે કાર લોન પણ આપી રહી છે, જેની શરૂઆત 8.45 ટકાથી થાય છે. કાર લોન પર કોઈ ફોરક્લોઝર ચાર્જ નથી.

ખાનગી બેંકોમાંની સૌથી અગ્રણી એચડીએફસી બેંક વાર્ષિક 7.9 ટકાના દરે કાર લોન આપી રહી છે. 50 ટકા કાર્યકાળ પૂર્ણ થયા પછી (ઓછામાં ઓછા 24 મહિના) કોઈ ફોરક્લોઝર ચાર્જ લાગતો નથી. ગોલ્ડ લોન પર પ્રોસેસિંગ ફી પર 50 ટકા માફી છે. ક્રેડિટ કાર્ડ સામે લોન માટે 999 રૂપિયાની ફ્લેટ ફી છે.

આઈસીઆઈસીઆઈ બેંક હાલમાં ગ્રાહકોને પ્રી-અપ્રુવ્ડ હોમ લોન અને બેલેન્સ ટ્રાન્સફર આપી રહી છે. પ્રોસેસિંગ ફી 999 રૂપિયા છે. બેંક દસ્તાવેજો અને અરજી ફોર્મની સમીક્ષા કર્યા પછી, તરત જ પ્રી-અપ્રુવ્ડ લોનને મંજૂરી આપે છે. કાર લોન પર પ્રોસેસિંગ ફી 1,999 રૂપિયા છે અને તે નવી કાર લોન પર ઓન-રોડ કિંમતના 100 ટકા સુધીની લોનની રકમ ઓફર કરે છે. કાર લોન પર કોઈ ફોરક્લોઝર અને પ્રીપેમેન્ટ ચાર્જ નથી. પર્સનલ લોન પર, 12 ઇએમઆઈ પછી કોઈ પ્રી-ક્લોઝર ચાર્જ નથી.

બેંક આ તહેવારોની સિઝનમાં પીએનબી ફેસ્ટિવલ બોનાન્ઝા ઓફર 2022 નામનું એક કેમ્પેઇન ચલાવી રહી છે. જે અંતર્ગત હોમ લોન તેમજ કાર લોન પર પ્રોસેસિંગ ફી અને ડોક્યુમેન્ટેશન ચાર્જને સંપૂર્ણપણે માફી આપવામાં આવે છે.

સેન્ટ્રલ બેંક ઓફ ઇન્ડિયા વાર્ષિક 7.50 ટકાથી શરૂ થતી હોમ લોન આપી રહી છે. ચુકવણીની મુદત 75 વર્ષ સુધીની છે. પ્રિપેમેન્ટ ચાર્જ નથી. બેંક કાર લોન આપે છે, જેની શરૂઆત વાર્ષિક 7.65 ટકાથી થાય છે. કાર લોન માટે કોઈ પ્રોસેસિંગ ફી નથી.

યુનિયન બેંક ઓફ ઇન્ડિયાએ આ તહેવારની સિઝનમાં હોમ અને કાર લોન પરના પ્રોસેસિંગ ચાર્જને માફ કરવાની જાહેરાત કરી છે.

જમ્મુ-કાશ્મીર બેંક વાર્ષિક 11.75 ટકાના વ્યાજદરે પર્સનલ લોન આપી રહી છે. બેંક 5,000 રૂપિયાથી 75,000 રૂપિયા સુધીની પર્સનલ લોન આપે છે. આ લોનને ફોરક્લોઝ કરતી વખતે કોઈ પ્રોસેસિંગ ચાર્જ નથી અને કોઈ પ્રી પેમેન્ટ પેનલ્ટી પણ નથી.

બેંક ઓફ મહારાષ્ટ્ર હોમ લોન ઓફર કરી રહી છે, જેની શરૂઆત 8.30 ટકાથી શરૂ થાય છે અને કાર લોન 8.70 ટકાથી થાય છે. બેંકે પ્રોસેસિંગ ચાર્જ માફ કરી દીધો છે.

ઇન્ડસઇન્ડ બેંક સાત વર્ષ સુધી કાર લોન આપી રહી છે. બેંક આ તહેવારની સિઝનમાં કાર ખરીદવા માટે 100 ટકા સુધીનું ફાઇનાન્સ આપી રહી છે. સામાન્ય રીતે બેન્ક કાર લોન લેતી વખતે 80-85 ટકા સુધી ફાઈનાન્સિંગ કરવાનું પસંદ કરે છે. તે 72 મહિના સુધી 50 લાખ રૂપિયા સુધીની પર્સનલ લોન આપે છે. બેંક લાંબા સમય સુધી પર્સનલ લોન આપી રહી છે અને લોનની મહત્તમ રકમ અન્ય અગ્રણી બેંકોની તુલનામાં વધારે છે. હોમ લોન માટે તે 30 વર્ષ સુધીની લાંબી મુદત ઓફર કરે છે.

ફેસ્ટિવ લોન ઓફર્સ અને શરતોને સારી રીતે વાંચો. એવા ઘણા ઉદાહરણો છે કે જ્યાં ધિરાણ લેનારાઓએ આકર્ષક ફેસ્ટિવલ ઓફર દરમિયાન ફાઇન પ્રિન્ટ વાંચવાનું ટાળી દીધું હોય અને તેઓએ જે હિસાબ આપ્યો હતો તેના કરતા વધુ ચુકવણી કરવી પડી હોય. ડોટેડ લાઇન પર હસ્તાક્ષર કરતા પહેલા તમારે ઓફર કરવામાં આવતી લોનની સંપૂર્ણ સમજ મેળવવી જોઈએ.

આપને જણાવી દઇએ કે, બેંકબજારે 12 ઓક્ટોબર, 2022 ના રોજ સંબંધિત બેંકોની વેબસાઇટ્સ પરથી ડેટા એકત્રિત કર્યો છે. મહત્વનું છે કે તહેવારોની ઓફરનો લાભ લેવાની છેલ્લી તારીખ દરેક બેંક પ્રમાણે અલગ અલગ હોય છે.