દિવાળી પર Mahindraની સરકારી કર્મચારીઓ માટે શાનદાર ઓફર, જાણો શું છે સ્કીમ

નવી દિલ્હી : મહિન્દ્રાએ (Mahindra)આ દિવાળીને સરકાર કર્મચારી (Government employees)માટે ખાસ બનાવવા માટે જોરદાર ઓફર શરૂ કરી છે. સરકારી કર્મચારીઓ માટે શરુ કરેલી પોતાની ઓફરને મહિન્દ્રાએ Sarcar 2.0નામ આપ્યું છે. આ ઓફર અંતર્ગત સરકારી કર્મચારી કોઈ કાર ખરીદશે તો તેમને 11,500 રૂપિયાનું વધારાનું ડિસ્કાઉન્ટ મળશે. આ સિવાય કંપનીએ પોતાની આ સ્કીમમાં સરકારી કર્મચારીઓ માટે આકર્ષક વ્યાજ દર ઓટો લોન પણ ઉપલબ્ધ કરાવી છે.

આકર્ષક વ્યાજ દર પર ઓટો લોન - Sarcar 2.0 ઓફર અંતર્ગત જો સરકારી કર્મચારી મહિન્દ્રાની કોઈપણ કાર ખરીદે તો તેમને 7.25 ટકાના દરે 8 વર્ષ સુધી ઓટો લોન મળશે. આ સિવાય તેમને 799 રૂપિયા પ્રતિ લાખની ન્યૂનતમ ઇએમઆઈનો લાભ પણ મળી શકે છે.

કેશ ડિસ્કાઉન્ટ - સરકારી કર્મચારીઓને મહિન્દ્રા પોતાની ઓફરમાં 11,500 રૂપિયાનું વધારાનું ડિસ્કાઉન્ટ પણ આપી રહી છે. જો સરકારી કર્મચારી મહિન્દ્રાની બોલેરો કે સ્કોર્પિયો ખરીદે તો તેમને 6500 રૂપિયાની કેશ ઓફર અને 10,000 રૂપિયાની એક્સચેન્જ ઓફર પણ મળશે.

લોન કરાવવા પર નહીં લાગે પ્રોસેસિંગ ફી - જો સરકારી કર્ચમારી મહિન્દ્રાની કાર ઓટો લોનના માધ્યમથી ખરીદે તો તેમને આ લોન માટે કોઈ પ્રોસેસિંગ ફી આપવી પડશે નહીં. આ સિવાય મહિન્દ્રાએ સરકારી કર્મચારીઓ માટે જૂની લોન ક્લોઝ કરાવવા ઉપર પણ કોઈ ચાર્જ નહીં લેવાનો નિર્ણય કર્યો છે.