Diesel ATM: લે આ વળી નવું! હવે એટીએમમાં પૈસા જ નહીં ડીઝલ પણ મળશે, તે પણ ઘર બેઠા

તમે ઓનલાઈન ઈંધણની માંગ કરો અને થોડીવારમાં આ વાહન તમારા ઘરે પાર્ક થઈ જશે. આની મદદથી તમે તમારી કારને સરળતાથી રિફિલ કરી શકો છો. હાલમાં ડીઝલ અને ઇથેનોલ માટે આ સુવિધા શરૂ કરવામાં આવી છે.

આ ડીઝલ એટીએમ દ્વારા લોકોને ભેળસેળયુક્ત ડીઝલ કે ઈંધણની ચોરીમાંથી મુક્તિ મળશે. તે ખાસ કરીને ટ્રાન્સપોર્ટરો માટે ખૂબ જ ફાયદાકારક છે કારણ કે તેના તમામ એકાઉન્ટ્સ પણ ઓનલાઈન ઉપલબ્ધ છે. આ સાથે શુદ્ધ ઈંધણનો પુરવઠો પણ મળે છે.

હાલમાં કાશ્મીર અને કન્યાકુમારી વચ્ચે ડીઝલ એટીએમના 280 યુનિટ કાર્યરત છે. તેમાં 1,000 થી 2,000 લિટર સ્ટોરેજની સુવિધા છે અને 6,000 લિટરની ક્ષમતાની ટ્રકો પણ ઉપલબ્ધ છે.

તેની ખાસિયત એ છે કે આમાં તમને પંપ પર ચાલતા રેટ પ્રમાણે ઈંધણ મળશે. પરંતુ તમને ઘર બેઠા પ્રાપ્ત આ સુવિધા ફાયદાકાર બની રહેશે. આ સાથે આ એટીએમ ઘણા એવા વિસ્તારોમાં સરળતાથી પહોંચાડી શકાય છે જ્યાં પંપની સુવિધા નથી.