Cryptocurrency Market : 24 કલાકમાં માર્કેટ કેપ ઘટીને $898.68 બિલિયન થયું, બીટકોઈન, ઈથેરિયમ સહિત તમામ કરન્સી લાલ નિશાન પર

આજે બુધવાર, 6 જુલાઈ 2022 ના રોજ, ક્રિપ્ટોકરન્સી માર્કેટમાં ફરી એકવાર ઘટાડો જોવા મળ્યો છે. ભારતીય સમય મુજબ સવારે 9:45 વાગ્યા સુધીમાં, ગ્લોબલ ક્રિપ્ટો માર્કેટ કેપમાં 1.51 ટકાનો ઘટાડો થયો છે. છેલ્લા 24 કલાક દરમિયાન માર્કેટ કેપ ઘટીને $898.68 બિલિયન થઈ ગયું છે. બિટકોઈન, ઈથેરિયમ સહિતની તમામ મોટી કરન્સી લાલ નિશાન પર ટ્રેડ થઈ રહી છે.

Coinmarketcap ના ડેટા અનુસાર, બિટકોઇન ફરી એકવાર $20,000 ની નીચે ટ્રેડિંગ કરી રહ્યું હતું. આજે બિટકોઈન 1.76 ટકા ઘટીને $19,924.47 પર છે.

બીજા સૌથી મોટા ડિજીટલ કોઇન Ethereumની કિંમત છેલ્લા 24 કલાકમાં 1.96 ટકા ઘટીને $1,128.42 પર પહોંચી ગઈ છે. માર્કેટમાં બિટકોઈનનું વર્ચસ્વ 42.3% છે જ્યારે ઈથેરિયમનું વર્ચસ્વ 15.2% છે.

Coinmarketcap અનુસાર, છેલ્લા 24 કલાકમાં સૌથી વધુ તેજી MetaversePay (MVP), bitcci Cash (BITCCA), અને Nekocoin (NEKOS)માં જોવા મળી છે.

MetaversePay (MVP) આજે 438.62% વધ્યું છે અને તેની બજાર કિંમત $0.000009741 પર પહોંચી ગઈ છે. બીજા નંબરે bitcci Cash (BITCCA) નામનો કોઇન છે, જેમાં 433.12% નો વધારો જોવા મળ્યો છે.