નોકરીખાઉં ChatGPTથી કમાણી પણ કરી શકો, બસ આટલું ખબર હોવી જોઈએ

ચેટજીટીપી (ChatGPT) ટુંકા સમયમાં જ દેશદુનિયમાં ખ્યાતનામ થઈ ગયું છે. ચેટજીટીપી OpenAIના ચેટબોટ તરીકે કામ કરે છે. લોકો તેના માધ્યમથી પ્રશ્નોના જવાબ મેળવી રહ્યા છે. આ જવાબથી લોકોએ પરીક્ષા પણ પાસ કરી હોવાના દાખલા છે!

યુઝર્સ ચેટજીટીપીનો ઉપયોગ નવી નવી વાનગીઓ બનાવવાની પદ્ધતિ જાણવા અને ઇન્ટરવ્યૂ આપવા સહિતની જાણકારી માટે કરે છે. માહિતી માટે તેનો સતત વધતો ઉપયોગ અનેક લોકોની રોજગારી ખાઈ જશે તેવી દહેશત પણ છે. ખાસ કરીને શિક્ષણ જગત પર તે મોટું જોખમ બની શકે છે.

અલબત, ઘણા લોકો ચેટજીટીપીનો ઉપયોગ પૈસા કમાવવા કરી રહ્યા છે. ત્યારે આ AI બોટના માધ્યમથી પૈસા કઈ રીતે કમાય શકાય (how to make money from ChatGPT) તે અંગે જાણકારી આપવામાં આવી છે.

પેઇડ કન્ટેન માટે લઈ શકો છો મદદ: આજના સમયમાં પ્રોડક્ટ્સ, બ્રાન્ડ્સ અને વેબસાઇટ માટે સારી રીતે લખાયેલા લખાણ એટલે કે કન્ટેનરની માંગ વધી છે. ત્યારે કન્ટેન્ટ લખવા માટે ચેટજીપીટીનો ઉપયોગ કરી શકાય છે. ફક્ત કઈ માહિતી જોઈએ છે તે ચેટબોટ કહેવાનું રહે છે. માત્ર થોડી જ ક્લિકમાં જ સારો આર્ટીકલ મળી શકે છે.

એફિલીએટ માર્કેટિંગ: લોકો એફિલીએટ માર્કેટિંગમાં ચેટજીપીટીનો ઉપયોગ કરીને પણ પૈસા કમાઈ શકે છે. એફિલિએટ માર્કેટિંગ એ તમારી કન્ટેન્ટ અથવા પ્લેટફોર્મ પર પ્રમોટ કરીને પ્રોડક્ટ્સ, સર્વિસ અને બ્રાન્ડ્સને વેચવાની અને તે પ્લેટફોર્મનું કમિશન મેળવવાની પદ્ધતિ છે. આમાં સફળતા માટે થોડી વાર લાગે છે. જેથી ચેટજીપીટીનો ઉપયોગ કરતા પહેલા ઓડિયન્સ બનાવવા, લેખ, ઓડિયો, વિડીયો વગેરે બનાવવા માટે તમારા માધ્યમની પસંદગી કરવાની જરૂર છે.

આ બધા નિર્ણય લીધા પછી તમે તમારા લેખો માટે રિસ્પોન્સ મેળવવા માટે ચેટજીપીટીનો ઉપયોગ કરી શકો છો. વિડિયો અને ઓડિયો માટે તમે એઆઇ ચેટબોટને તમારી યુટ્યુબ વિડિયો અથવા પોડકાસ્ટ માટે થમ્બનેઇલ આઇડિયા અથવા ટાઈટલ આઇડિયા જનરેટ કરવાનું કહી શકો છો.

કોન્ટેન એડીટીંગ સર્વિસ: આર્ટીકલ કે કોઈ અન્ય સર્વિસ પૂરી પાડવા ઉપરાંત, તમે એડીટીંગ સેવા આપવા માટે સોફ્ટવેરનો ઉપયોગ કરી શકો છો. લેખ, બ્લોગ પોસ્ટ અને અન્ય લેખિત સામગ્રીને ચેટજીપીટીનો ઉપયોગ કરીને સરળતાથી એડીટ કરી શકાય છે.

રિસર્ચ કરવા: ઘણા મુદ્દાઓ પર લખવા ઉપરાંત, ચેટજીપીટીનો ઉપયોગ વિવિધ બાબતો અને વિષયો પર રિસર્ચ કરવા માટે થઈ શકે છે. ઇચ્છિત જવાબો મેળવવા માટે વિષયને સમજવાની અને ચેટજીપીટીને યોગ્ય પ્રશ્નો પૂછવાની જરૂર હોય છે.

ઓનલાઇન શિક્ષક બની શકો: ઘણી ટ્યુટોરિયલ વેબસાઇટ્સ વિદ્યાર્થીઓના શૈક્ષણિક અભ્યાસક્રમથી સંબંધિત પ્રશ્નોના જવાબો આપવા માટે લોકોને પાર્ટ-ટાઇમ જોબ ઓફર કરે છે. કોઈ પણ મૂળભૂત વિષયની યોગ્ય જાણકારી હોય તો તમે ચેટજીપીટીનો ઉપયોગ વિદ્યાર્થીઓ દ્વારા પૂછવામાં આવતા પ્રશ્નોના જવાબો બનાવવા માટે કરી શકો છો અને પછી તમારા પોતાના જવાબો બનાવી શકો છો. ત્યારબાદ ટ્યુટોરિયલ વેબસાઇટ્સ પર અપલોડ કરી શકો છો.

SEO માટે કીવર્ડ્સ શોધી શકો: તમે ચેટજીપીટી પાસેથી સંબંધિત કીવર્ડ્સ મેળવીને અન્ય કન્ટેન્ટ પ્રોડક્ટ કંપનીઓને સર્ચ એન્જિન ઓપ્ટિમાઇઝેશન (એસઇઓ) સેવા પણ આપી શકો છો. ચેટજીપીટીનો ઉપયોગ યોગ્ય દિશાનિર્દેશો આપીને ઇન્ટરનેટ પર કોન્ટેન્ટ વિઝીબિલિટી વધારવા માટે મજબૂત કીવર્ડ્સ, ટાઇટલ્સ અને મેટા ટેગ જનરેટ કરવા થઈ શકે છે. તમારે માત્ર ચેટજીપીટી પાસેથી તમારા ઇચ્છિત વિષય માટે ટાઈટલ, એન્ટ્રો, કીવર્ડ્સ વગેરે માટે સૂચનો માંગવાના રહેશે.