કેન્દ્રીય કર્મચારીઓ માટે સારા સમાચાર, આ મહિનામાં DAમાં થશે 4%નો વધારો! જાણો કેટલું થશે મોંઘવારી ભથ્થું

કેન્દ્ર સરકાર (Cengral Government) ટૂંક સમયમાં 50 લાખ કર્મચારીઓ (Cengral Government Employee) અને 61 લાખ પેન્શનરો (Pensioners)ને સારા સમાચાર આપી શકે છે. કેન્દ્રીય કર્મચારીઓને મોંઘવારી ભથ્થા (DA)ની જાહેરાતની લાંબા સમયથી રાહ જોઈ રહ્યા છે. ત્યારે હવે આ મહિનામાં એટલે કે ફેબ્રુઆરી 2021માં તેની જાહેરાત થઈ શકે છે. કેન્દ્ર સરકાર આ મહિનામાં મોંઘવારી ભથ્થામાં 4 ટકાનો વધારો જાહેર કરી શકે છે. તેનાથી કેન્દ્રીય કર્મચારીઓના પગારમાં સીધો વધારો થશે. (પ્રતીકાત્મક તસવીર)

ઉલ્લેખનીય છે કે, શ્રમ વિભાગે ઓલ ઇન્ડિયા કન્ઝ્યુમર પ્રાઈસ ઇન્ડેક્સ (AICPI)ની પણ જાહેરાત કરી છે. જેનાથી કેન્દ્રીય કર્મચારીઓને આશા છે કે, તેમને વધારે DA મળશે. તમને જણાવી દઈએ કે મોંઘવારી ભથ્થાનો દર ફક્ત AICPI દ્વારા નક્કી કરવામાં આવે છે. (પ્રતીકાત્મક તસવીર)

મુસાફરી ભથ્થામાં થશે 4% વધારો - AICPIના આધારે કહેવાઈ રહ્યું છે કે સરકાર મોંઘવારી ભથ્થામાં 4 ટકાનો વધારો કરી શકે છે. જેનાથી કેન્દ્રીય કર્મચારીઓ અને પેન્શનરોને સીધો ફાયદો મળશે. સાતમા પગાર પંચ મુજબ, જો કેન્દ્રીય કર્મચારીઓના મોંઘવારી ભથ્થામાં 4 ટકાનો વધારો થાય, તો તેમના મુસાફરી ભથ્થા (TA)માં પણ 4 ટકાનો વધારો થશે. (પ્રતીકાત્મક તસવીર)

જોકે, 1 જુલાઈ 2020થી 1 જાન્યુઆરી 2021 સુધી કેન્દ્રીય કર્મચારીઓને DA નહીં આપવામાં આવે. અહીં ઉલ્લેખનીય છે કે કેન્દ્રએ એપ્રિલ 2020માં કોરોના સંકટને કારણે મોંઘવારી ભથ્થા પર પ્રતિબંધ મૂક્યો હતો. કેન્દ્રની જાહેરાત મુજબ, કેન્દ્રીય કર્મચારીઓને જૂન 2021 સુધી મોંઘવારી ભથ્થું મળશે નહીં. (પ્રતીકાત્મક તસવીર)

વધારા બાદ મોંઘવારી ભથ્થું થશે 21 ટકા - હાલમાં કેન્દ્રીય કર્મચારીઓને DA અને ડિયરનેસ રિલીફ (DR) નથી ચૂકવવામાં આવતું. મહત્વનું છે કે, હાલ કેન્દ્રીય કર્મચારીઓનું મોંઘવારી ભથ્થું 17 ટકા છે. DAમાં 4 ટકાનો વધારો થયા બાદ મોંઘવારી ભથ્થું 21 ટકા થઇ જશે અને મુસાફરી ભથ્થામાં પણ 4 ટકાનો વધારો થશે. (પ્રતીકાત્મક તસવીર)

તેનાથી કર્મચારીઓનો પગાર અને પેન્શનરોના પેન્શનમાં મોટો વધારો થશે. કેન્દ્ર મોંઘવારી ભથ્થામાં સમયાંતરે સંશોધન કરે છે. DAની ગણતરી બેસિક સેલરીના આધારે કરવામાં આવે છે. (પ્રતીકાત્મક તસવીર)

આ ભથ્થું કેન્દ્રીય કર્મચારીઓને મોંઘવારીને ધ્યાનમાં રાખીને તેમના ખર્ચમાં મદદ કરવા માટે આપવામાં આવે છે. તેની જાહેરાત વર્ષમાં બે વાર, જાન્યુઆરી અને જુલાઈમાં કરવામાં આવે છે. તેને HRA સાથે જોડવામાં આવે છે. (પ્રતીકાત્મક તસવીર)