(1) સરકાર મુદ્રા લોન હેઠળ આપવામાં આવતી શિશુ લોનના વ્યાજદરમાં 2 ટકાની છૂટ આપશે. તમને જણાવી દઈએ કે, શિશુ લોન હેઠળ 50 હજાર રૂપિયાની લોન મળે છે. આ સુવિધા 1 જૂન 2020થી લાગુ થશે અને 31 મે 2021 સુધી ચાલુ રહેશે. કેન્દ્રીય મંત્રી પ્રકાશ જાવડેકરે પ્રેસ કોન્ફરન્સમાં જાણકારી આપી. આ દુનિયાની તે સૌથી મોટી સ્મોલ બેન્ક પ્રોગ્રામ છે. તેમણે કહ્યું કે, મુદ્રા લોન હેઠળ 50 હજાર રૂપિયા શિશુ લોન 9.37 કરોડ લોકોને લોન મળી. શિશુ લોન લેનારા લોકોને વ્યાજદરમાં 2 ટકાની છૂટ મળશે. આ સ્કીમ 1 જૂનથી લાગુ થશે અને 31 મે 2021 સુધી ચાલશે. આના પર સરકાર 1540 કરોડ રૂપિયાનો ખર્ચ કરશે.
(2) સહકારી બેન્કોને આરબીઆઈ અંતર્ગત રાખવાને લઈ વટહુકમનો નિર્ણય લેવામાં આવ્યો છે. ખાતાધારકોની ચિંતાઓ દૂર કરવા માટે આ નિર્ણય લેવામાં આવ્યો છે.
(3) પશુપાલન ઈન્ફાસ્ટ્રક્ચરને વધારવા માટે એનિમલ હસ્બેન્ડરી ડેવલપમેન્ટ ફંડને મંજૂરી આપવામાં આવી છે. આ હેઠળ સરકાર લોન લેનારા લોકોના વ્યાજમાં 3 ટકાની છૂટ આપશે.
(4) ઓબીસી કમીશનના કાર્યકાળને 6 મહિના વધારવામાં આવ્યો છે. હવે ઓબીસી આયોગ રિપોર્ટ 31 જાન્યુઆરી 2021 સુધી આપી શકશે. સરકારે આ નિર્ણય સંવિધાનની કલમ 340 હેઠળ લીધો છે. આનાથી કમિશનને પછાત વર્ગના સબ-કેટેગરીના મામલાની તપાસ કરવાનો વધારે સમય મળશે.
