Business Idea: દરેક ઘરમાં વપરાય છે આ વસ્તુ, બનાવીને દર મહિને 2 લાખની કમાણી

આજના સમયમાં લોકો નોકરીની સાથોસાથ પણ બિઝનેસ કરવા માંગતા હોય છે, તો બીજી તરફ કેટલાક લોકો પોતાનો બિઝનેસ શરૂ કરવા માંગે છે. પરંતુ કેટલીકવાર સારો બિઝનેસ આઈડિયા ન મળતો હોવાથી આમ કરવું મુશ્કેલ બની જતું હોય છે. આ સિવાય મોટાભાગના બિઝનેસ શરૂ કરવા માટે મોટી મૂડીની જરૂર પડે છે.

આવી સ્થિતિમાં એક ડર એ પણ હોય છે કે મોટુ મૂડી રોકાણ કર્યા બાદ જો બિઝનેસ સફળ થશે નહીં તો તેમને નુક્શાન થશે. આવામાં અમે તમને એક એવા બિઝનેસ વિશે જણાવવા જઈ રહ્યા છીએ, જે ખૂબ ઓછા રોકાણથી શરૂ કરી શકાય છે. અમે અહીં વાત કરી રહ્યાં છીએ સ્નેકિંગ બિઝનેસ એટલે કે નમકીન વિશે. તમે આ વ્યવસાયમાં વધુ સારું વળતર મેળવી શકો છો.

આપણા દેશમાં નમકીનને ખૂબ જ પસંદ કરવામાં આવે છે. ગામ હોય કે શહેર દરેક ઘરમાં આ બિઝનેસ સરળતાથી શરૂ કરી શકાય છે. મોટાભાગના લોકોને સવારે ચા સાથે બિસ્કીટ અને નાસ્તો ખાવાનું પસંદ હોય છે.

<br />હાલ બજારમાં ઘણા પ્રકારના નમકીન ઉપલબ્ધ છે, પરંતુ તમારો બિઝનેસ જમાવવા તમે લોકોને તમારી નમકીનમાં જો કંઈક અલગ સ્વાજદ આપશો તો ચોક્કસથી તમે મોટું બજાર કવર કરી શકો છો.

નમકીન બનાવવા માટે સેવ મેકિંગ મશીન, ફ્રાયર મશીન, મિક્સિંગ મશીન, પેકેજિંગ અને વજન માપવાના મશીનની જરૂર પડે છે. આ બિઝનેસ માટે નાની દુકાન કે ફેક્ટરી શરૂ કરવા માટે 300 ચોરસ ફૂટથી 500 ચોરસ ફૂટ જગ્યાની જરૂર પડશે.

આ સાથે ફેક્ટરી પાસ કરાવવા માટે વિવિધ પ્રકારની સરકારી પરવાનગીની જરૂર પડશે. જેમાં તમારે ફૂડ લાયસન્સ, MSME રજિસ્ટ્રેશન અને GST રજિસ્ટ્રેશન જેવી ફોર્માલિટી પૂરી કરવી પડશે.

આ કાચા માલની પડશે જરૂર- નમકીન બનાવવા માટે તમારા જે કાચા માલની પણ જરૂર પડશે તેમાં ચણાનો લોટ, તેલ, લોટ, મીઠું, મસાલા, મગફળી, દાળ, મગની દાળ જેવી બધી જ વસ્તુઓની જરૂર પડશે. આ સાથે જ કામ કરવા માટે 1-2 કર્મચારીઓની પણ જરૂર પડશે. આ સાથે ઓછામાં ઓછું 5-8 KW વીજળીનું કનેક્શન લેવું પડશે.

કમાણી- આ આખો બિઝનેસ શરૂ કરવા માટે તમારે ઓછામાં ઓછા 2 લાખ અને વધુમાં વધુ 6 લાખ રૂપિયાનું રોકાણ કરવું પડશે. બિઝનેસ શરૂ થયાના થોડા દિવસોમાં લગભગ 20 થી 30 ટકા ખર્ચ નફા તરીકે પરત મેળવી શકાય છે. જો તમે રૂ. 6 લાખ ખર્ચો છો, તો તમને ચોક્કસપણે 30% નફો મળશે. એટલે કે 2 લાખ રૂપિયા સુધીની કમાણી સરળતાથી થઈ જશે.

(ડિસ્ક્લેમરઃ અહીં આપવામાં આવેલ બિઝનેસ આઈડિયા અથવા ખેતીની જાણકારી ફક્ત સમાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપની વિવેકબુદ્ધિનો ઉપયોગ ચોક્કસ કરો.)