Farming Idea: ગજબના ફાયદાનો સોદો છે 'કાળા ટમેટા'ની ખેતી, લાખો રુપિયા કમાઈ રહ્યા છે આ ખેડૂતો

નવી દિલ્હીઃ છેલ્લા કેટલાક વર્ષોથી દેશમાં ખેડૂતો કમાણી વધારવા માટે જુદા જુદા પ્રયોગ કરી રહ્યા છે. પરંપરાગત ખેતી છોડીને નિતનવા પ્રયોગ કરતાં ખેડૂતો સારી એવી કમાણી કરી રહ્યા છે. આજે પણ આવા જ એક આઇડિયા અંગે જાણીશું.

આજે આપણે આવી જ એક ખેતી વિશે વાત કરવા જઈ રહ્યા છે જે કાળા ટમેટાંની ખેતી વીશે છે. તમે બિલકુલ બરાબર સાંભળ્યું આ ટમેટા જ કાળા હોય છે. માર્કેટમાં તેની એન્ટ્રી થઈ ચૂકી જોકે લોકો વચ્ચે તે એટલા પ્રચલીત નથી.

<br />આ ટમેટાની સૌથી ખાસ વાત એ છે કે તેનો ઉપયોગ કેન્સરના ઈલાજ માટે કરવામાં આવે છે. આ ઉપરાંત પણ આ કાળા ટમેટા અનેક બીમારીઓમાં લડવા માટે ઉપયોગી છે. તો આવો જાણીએ તેની ખેતી કેવી રીતે કરીશું.

કાળા ટમેટાની ખેતી પણ લાલ ટમેટાની જેમ કરવામાં આવે છે. આ પ્રકારની ખેતી માટે ગરમ આબોહવા જોઈએ છે. ભારતના મોટાભાગના વિસ્તાર કાળા ટમેટાની ખેતી માટે યોગ્ય છે. તેના માટે જમીનનું PH 6-7 હોવું જોઈએ.

તેનું ઉત્પાદન લાલ ટમેટાંની તુલનાએ ખૂબ જ મોડું શરું થાય છે. તમને જણાવી દઈએ કે કાળા ટમેટાંની ખેતીની શરુઆત ઈંગ્લેન્ડથી થઈ છે. જેને અંગ્રેજીમાં ઈંડિગો રોઝ ટમેટા કહેવામાં આવે છે. તેને યુરોપના માર્કેટમાં સૂપરફૂડ કહેવામાં આવે છે. તો હવે ભારતમાં પણ તેની ખેતી શરુ થઈ છે.

કાળા ટમેટાની ખેતીમાં વાવણી માટે જાન્યુઆરીનો મહિનો ખૂબ જ સારો છે. જ્યારે તમે આ કાળા ટમેટાંની ખેતી કરો છો તો માર્ચ-એપ્રિલ સુધી તેનું ઉત્પાદન શરું થાય છે. જ્યારે તેમાં થતાં ખર્ચ અંગે વાત કરીએ તો તેમાં લાલ ટમેટાંની ખેતી જેટલો જ ખર્ચ આવે છે.

આ પ્રકારની ખેતીમાં ફક્ત બીજ માટેનો ખર્ચ વધારે આવે છે. જોકે તેની વેચાણ કિંમત ખાસ્સી હોવાથી આ ખર્ચ ખૂબ જ સામાન્ય લાગે છે. વાત કરીએ નફાની તો કાળા ટમેટાંની ખેતીમાં તમામ ખર્ચને કાઢી નાખીએ તો પ્રતિ હેક્ટર 4-5 લાખનો નફો થાય છે. આ ઉપરાંત તેના પેકેજિંગ અને બ્રાન્ડિંગ દ્વારા નફો વધારી શકાય છે.

કાળા ટમેટાંને લાંબા સમય માટે તાજા રાખી શકાય છે. તેના કાળા રંગ અને અનેક પ્રકારના પોષક તત્વોથી ભરપૂર હોવાથી બજારમાં તેની કિંમત ખૂબ જ સારી ઉપજે છે.

આ ટમેટાં બહારથી કાળા અને અંદરથી લાલ હોય છે. તેમજ ખાવામાં તે ન વધુ ખાટા ન વધુ મીઠા હોય છે. આ ટમેટાં વજન ઓછું કરવાથી લઈને શુગર લેવલને ઘટાડવા માટે અને કોલેસ્ટ્રોલ ઓછું કરવા માટે પણ મદદરુપ છે.

(Disclaimer: અહીં આપવામાં આવેલ બિઝનેસ આઈડિયા અથવા ખેતીની જાણકારી ફક્ત સમાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપની વિવેકબુદ્ધિનો ઉપયોગ ચોક્કસ કરો.)