Budget 2023: આ છે નાણામંત્રી નિર્મલા સિતારમણના 6 ચાણક્ય, જેમના ખભા પર બજેટ બનાવવાની જવાબદારી

નવી દિલ્હીઃ આ વર્ષે 1 ફેબ્રુઆરીએ યૂનિયન બજેટ રજૂ કરવામાં આવશે. બજેટ તૈયાર કરનારી નાણા મંત્રીની મુખ્ય ટીમમાં નાણા મંત્રાલયના બ્યૂરોકેટ્સ સામેલ છે. નાણા મંત્રાલયના અંતર્ગત 6 વિભાગ આવે છે. જેમાં આર્થિક બાબતોનો વિભાગ, ખર્ચ, આવક, રોકાણ અને જાહેર સંપત્તિ સંચાલન વિભાગ, નાણાકીય સેવા અને જાહેર સાહસોના વિભાગનો સમાવેશ થાય છે.

અજય સેઠ આર્થિક બાબતોના વિભાગના વડા છે. તેઓ કર્ણાટર કેડરથી 1987 બેચના આઈએએસ અધિકારી છે. તેમની ભૂમિકા પણ મહત્વપૂર્ણ હશે કારણ કે, બજેટ વિભાગ તેમના વિભાગની અંતર્ગત આવે છે.

ટી વી સોમનાથન નાણા મંત્રાલયના વ્યય વિભાગના પ્રમુખ છે, અને સાથે તેઓ નાણા સચિવ પણ છે. તેમનું મુખ્ય કામ સીતારમણને ઈન્ફ્રા, ક્લાયણકારી યોજનાઓ, સબસિડી, ડિફેન્સ વગેરે પરના ખર્ચને અંતિમ રૂપ આપવામાં મદદ કરવાનું છે. આ દરમિયાન તેઓ નાણા મંત્રીના બધાજ મંત્રાલયોના ભંડોળની ફાળવણીમાં પણ મદદ કરશે.

સંજય મલ્હોત્રા રેવન્યૂ વિભાગના વડા છે. તેઓ રાજસ્થાન કેડરની 1990ની બેચના આઈએએસ અધિકારી છે. મલ્હોત્રા આ વર્ષે ઓક્ટોબરથી રેવન્યૂ વિભાગમાં વિશેષ કાર્ય અધિકારીની રૂપમાં કાર્યરત છે. રેવન્યૂ સચિવ તરીકે મલ્હોત્રા કર આવકના અંદાજો અને પ્રત્યક્ષ અને પરોક્ષ કરને લગતી અલગ-અલગ જાહેરાત કરવામાં નાણામંત્રીની મદદ કરશે.

તુહિન કાંતા પાન્ડે ડિપાર્ટમેન્ટ ઓફ પબ્લિક એસેટ મેનેજમેન્ટના વડા છે અને તેઓ આગામી નાણાકીય વર્ષ માટે વિનિવેશ લક્ષ્ય અને ખાનગીકરણની યોજના નક્કી કરવામાં નાણામંત્રીને મદદ કરશે.

વિવેક જોશી નાણાકીય સેવા સચિવ વિભાગના વડા છે. તેઓ અલી રઝા રિઝવી સાથે પીએસયૂ બેંકો અને કંપનીઓ સંબંધિત કોઈ પણ નિર્ણયમાં મહત્વપૂર્ણ ભૂમિકા નિભાવશે.

વી અનંત નાગેશ્વરન મુખ્ય આર્થિક સલાહકાર છે અને તેઓ નાણા મંત્રી નિર્મલા સિતારમણની ટીનના મહત્વપૂર્ણ વ્યક્તિઓમાંથી એક છે. તેઓ વૈશ્વિક અર્થવ્યવસ્થા પર નાણામંત્રીનું માર્ગદર્શન કરશે તેમજ ડેટા અને આર્થિક અનુમાન પણ શેર કરશે. બજેટની જાહેરાતના એક દિવસ પહેલા નાગેશ્વપન આર્થિક સર્વેક્ષણ પણ રજૂ કરશે.