રુ.100 થી સસ્તા આ શેરમાં થેલા ભરીને કમાણીના ચાન્સ, બ્રોકરેજ હાઉસને પૂરો વિશ્વાસ

પેકેજ્ડ ફૂડ સેગમેન્ટની કંપની એલટી ફૂડ્સમાં રોકાણની તક ઊભી કરવામાં આવી રહી છે. બ્રોકરેજ હાઉસ જિયોજિતે 21 માર્ચે સ્ટોક પર તેનો સંશોધન અહેવાલ રજૂ કર્યો છે અને સ્ટોકમાં રોકાણની સલાહ આપી છે.

જો બુધવારની વાત કરવામાં આવે તો શેરમાં 22 માર્ચના કામકાજ દરમિયાન 2 ટકાથી વધુનો વધારો નોંધાયો છે. આ ઉછાળા બાદ પણ શેર હાલમાં રૂ.100ના સ્તરની નીચે છે. તો રોકાણકારો આ શેરમાં રુપિયા રોકીને તગડી કમાણી કરી શકે છે.

રિસર્ચ રિપોર્ટમાં શું છે ખાસ- જિયોજિતે સ્ટોક માટે 120નો ટાર્ગેટ આપ્યો છે. આજે શેરનું બંધ સ્તર 99.13 રહ્યું છે. એટલે કે, અહીંથી સ્ટોકને 21 ટકાથી વધુ રિટર્ન મળી શકે છે.

રિપોર્ટ અનુસાર, અગાઉ સ્ટોક માટે 132નો ટાર્ગેટ રાખવામાં આવ્યો હતો પરંતુ કંપની પર માર્જિનનું દબાણ વધવાને કારણે ટાર્ગેટ ઘટાડીને 120 કરવામાં આવ્યો છે. જોકે, કમાણીમાં ઝડપી વૃદ્ધિની આગાહી અને શેરમાં ઘટાડાને કારણે રોકાણની સલાહ આપવામાં આવી છે.

કંપનીના મુખ્ય વ્યવસાય બાસમતી અને સ્પેશિયલ રાઇસ સેગમેન્ટમાં 29 ટકાની વૃદ્ધિ નોંધાઈ છે. આ સેગમેન્ટની કુલ આવકનો હિસ્સો 82 ટકા છે. રિપોર્ટમાં એવો અંદાજ છે કે ટૂંકા ગાળામાં માર્જિન પર દબાણ રહેશે, પરંતુ સમય જતાં તે નરમ પડી શકે છે.

સ્ટોક કેવી રીતે પ્રદર્શન કર્યું? - આજે એલટી ફૂડ્સના શેરમાં 2.4 ટકાનો વધારો જોવા મળ્યો છે. છેલ્લા એક વર્ષમાં શેરમાં ઉતાર-ચઢાવ જોવા મળ્યો છે. પરંતુ વર્ષ માટેનું વળતર હકારાત્મક છે. બરાબર એક વર્ષ પહેલા આ સ્ટોક 73ના સ્તરે હતો.

વર્ષ દરમિયાન સ્ટોક પણ 135ના સ્તરે પહોંચ્યો હતો. ઑક્ટોબરથી સ્ટોકમાં ઘટાડો ચાલુ છે. જો આપણે આખા વર્ષનો ચાર્ટ જોઈએ તો, સ્ટોકમાં રોકાણકારોએ મહત્તમ 85 ટકા (માર્ચ 2022 અને ઓક્ટોબર 2022 વચ્ચે) અને મહત્તમ 30 ટકા (ઓક્ટોબર 2022 અને માર્ચ 2023 વચ્ચે)નો નફો કર્યો છે. છેલ્લા એક વર્ષમાં શેરમાં 35 ટકાનો વધારો થયો છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)