Adani Group ને લઈને આવી ખૂબ મોટી અપડેટ, કમાણી માટે અહીં રાખો નજર

અદાણી એન્ટરપ્રાઇઝિસને રાહત આપતાં, NSE દ્વારા તેના શેરને વધારાના મોનિટરિંગની લિસ્ટમાંથી દૂર કરવાનો નિર્ણય લીધો છે. આના કારણે શેરના ટ્રેડિંગ પર લાદવામાં આવેલી મર્યાદા દૂર કરવામાં આવશે. નેશનલ સ્ટોક એક્સચેન્જે અદાણી એન્ટરપ્રાઈઝને ટૂંકા ગાળાના વધારાના સર્વેલન્સ મેઝર્સ એટલે કે એએસએમ ફ્રેમવર્કમાંથી દૂર કર્યા છે.

અદાણી ગ્રૂપે શેર સામે લીધેલી લોનના બોજને ઘટાડવા માટે રૂ. 7000 કરોડથી વધુની લોન ચૂકવી છે. આ પગલાથી ગ્રૂપની ઘણી કંપનીઓના શેર બહાર આવશે અને કંપનીના દેવાના બોજમાં થોડો ઘટાડો થશે. જૂથે કહ્યું છે કે તેણે $900 મિલિયનના શેર પર લીધેલી લોનની ચૂકવણી કરી છે, જે લગભગ રૂ. 7,400 કરોડ છે.

અમેરિકન એસેટ મેનેજર GQG પાર્ટનર્સના ચેરમેન રાજીવ જૈને હિંડનબર્ગ રિપોર્ટમાં અદાણી ગ્રુપ પર લગાવવામાં આવેલા તમામ આરોપોને ફગાવી દીધા છે. તેમણે તેને જૂથની છબી ખરાબ કરવાનો પ્રયાસ ગણાવ્યો છે.

CNBC સાથેની ખાસ વાતચીતમાં રાજીવ જૈને આ મોટું નિવેદન આપ્યું છે. હાલમાં જ GQG પાર્ટનર્સે અદાણી ગ્રુપના શેરમાં 15 હજાર કરોડ રૂપિયાથી વધુની ખરીદી કરી છે. CNBC સાથે આ બાબતે વાત કરતા રાજીવ જૈને પોતાના નિર્ણય વિશે વાત કરી હતી.

શોર્ટ સેલર હિંડનબર્ગ રિસર્ચ દ્વારા જાન્યુઆરીના અંતમાં અદાણી ગ્રૂપ સામે બહાર પાડવામાં આવેલા વિવાદાસ્પદ અહેવાલના પગલે ગ્રુપના શેર્સમાં મોટા પાયે ઘટાડો થયો હતો અને રોકાણકારોને એક મહિનામાં ભારે નુકસાન થયું હતું. અદાણી ગ્રૂપના જુદા જુદા શેર્સના કુલ બજાર મૂલ્યમાં ઓછામાં ઓછું 50 ટકાનું નુકસાન થયું હતું.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)