ગજબ! આ બેંકોમાં મહિલાના નામે હોમ લોન લો તો રુ. 1 લાખ સુધીનો ફાયદો

હવેના સમયમાં હોમ લોન (home loan) રોકાણની સાથોસાથ વ્યક્તિ પર એક મોટી જવાબદારી પણ ગણવામાં આવે છે. હાલ હોમ લોનના વ્યાજ દરો આસમાને પહોંચ્યા છે. એવા સમયમાં હોમ લોન લેનારા લોકોને થોડી રાહત આપવા માટે કેટલીક બેંકો દ્વારા મહિલાઓ માટે ઓછા વ્યાજ દરે લોન ઓફર કરવામાં આવી રહી છે. વિવિધ બેંકો, નોન-બેંકિંગ નાણાકીય સંસ્થાઓ (NBFIs), અને મોર્ગેજ લેન્ડરો દ્વારા મહિલા અરજદારોને વિશેષ અને હોમ લોનના કોમ્પિટિટીવ વ્યાજ દરો ઓફર કરાઈ રહ્યાં છે.

સરકારના નિયામાનુસાર મહિલાઓની હોમ લોન પર સ્ટેમ્પ ડ્યુટીમાં 1થી 2 ટકા સુધીની છૂટ મળી શકે છે. આ છૂટના કારણે તેઓ રૂ. 50 લાખની મિલકત પર આશરે રૂ. 50,000 - રૂ. 1,00,000 સુધીની બચત કરી શકે છે.

અમે અહીં કેટલીક એવી બેંકો વિશે જણાવી રહ્યાં છીએ, જે હોમ લોન માટે મહિલા અરજદારોને ડિસ્કાઉન્ટ આપી રહી છે.

સ્ટેટ બેંક ઓફ ઈન્ડિયા: સ્ટેટ બેંક ઓફ ઈન્ડિયા (State Bank of India) હોમ લોન લેનારી મહિલાઓને પાંચ બેસિસ પોઈન્ટની છૂટ આપી રહી છે. મહિલા અરજદારો માટે વ્યાજ દર ક્રેડિટ સ્કોરના આધારે 9.15થી 10.15 ટકા સુધીનો રહે છે.

HDFC: એસબીઆઈની જેમ જ એચડીએફસી પણ હોમ લોન લેનાર મહિલાઓ માટે લોન પર 5 બેસિસ પોઈન્ટ્સ ડિસ્કાઉન્ટ ઓફર કરે છે. મહિલાઓ માટે લોનના વ્યાજ દર 8.95%થી શરૂ થાય છે અને ક્રેડિટ સ્કોર અને લોનની રકમના આધારે 9.85% સુધી જઈ શકે છે.

કેનેરા બેંક: કેનેરા બેન્ક દ્વારા હોમ લોન લેનાર મહિલાઓ 5 બેસિસ પોઈન્ટની રાહત આપવામાં આવે છે. જણાવી દઈએ કે કેનેરા બેંક હોમ લોનના વ્યાજ દર 8.85%થી શરૂ થાય છે.

યુનિયન બેંક ઓફ ઈન્ડિયા: યુનિયન બેંક ઓફ ઈન્ડિયા પણ હોમ લોન લેનાર મહિલાઓ માટે 5 બેસિસ પોઈન્ટની છૂટ આપી રહી છે.

પંજાબ નેશનલ બેંક: મહિલાઓ માટે પંજાબ નેશનલ બેંક હાઉસિંગ લોન માટે વિવિધ ઓફરો આપે છે. તેઓ પગારદાર મહિલાઓ, આંત્રપ્રિન્યોર અથવા ગૃહિણીઓ જે લોન માટે અરજી કરે છે, તેમને ડિસ્કાઉન્ટ ઓફર કરે છે. બેંક દ્વારા મહિલાઓને વાર્ષિક 0.05%ના દરે ઓછો વ્યાજ દર, હાઉસિંગ લોનના 10% અને મહત્તમ રૂ. 25 લાખ સુધી કોસ્ટ ઓફ ફર્નિશિંગ પણ આપે છે. આ સિવાય એડવાન્સ તારીખથી 3 મહિના સુધી અથવા કબજાની તારીખ સુધી બેમાંથી જે વહેલું હોય તેના મોરોટોરિયમનો સમાવેશ થઈ શકે છે.

HDFC: એસબીઆઈની જેમ જ એચડીએફસી પણ હોમ લોન લેનાર મહિલાઓ માટે લોન પર 5 બેસિસ પોઈન્ટ્સ ડિસ્કાઉન્ટ ઓફર કરે છે. મહિલાઓ માટે લોનના વ્યાજ દર 8.95%થી શરૂ થાય છે અને ક્રેડિટ સ્કોર અને લોનની રકમના આધારે 9.85% સુધી જઈ શકે છે.

મહિલા લોન અરજદારોને મળતા અન્ય લાભો

ઓછી સ્ટેમ્પ ડ્યુટી: મિલકત ખરીદતી વખતે સ્ટેમ્પ ડ્યુટી વધારાનો ખર્ચ ગણવામાં આવે છે. મહિલાઓને પ્રોપર્ટી ખરીદવા પ્રોત્સાન મળે તેવા પ્રયાસ રૂપે અને તેઓ વધુ પ્રોપર્ટી ખરીદે તેના ભાગરૂપે ઘણા રાજ્યો મહિલાઓ માટે સ્ટેમ્પ ડ્યુટીમાં 1%થી 2% સુધીનો ઘટાડો કરે છે.

ટેક્સના લાભ: મહિલાઓને હોમ લોનની ચુકવણી પર અલગથી ટેક્સ છૂટ નથી મળતી. મુખ્ય ચુકવણી અને વ્યાજની ચુકવણી માટે મળતો મહત્તમ ટેક્સ ડિડક્શન અનુક્રમે રૂ. 1.5 લાખ અને રૂ. 2 લાખ છે. જો પતિ અને પત્ની સંયુક્ત રીતે કોઈ મિલકતના માલિક હોય અને દરેકની આવકનો સ્ત્રોત અલગ હોય, તો બંને કર કપાતનો લાભ લઈ શકે છે.