SBIએ ગ્રાહકોના બચત ખાતામાંથી કાપ્યા આટલા રૂપિયા, તમારા એકાઉન્ટમાંથી કેટલા ગાયબ થયા?

નવી દિલ્હીઃ જો તમારું ખાતુ પણ સ્ટેટ બેંક ઓફ ઈન્ડિયામાં છે અને ખાતામાંથી 206.50 રૂપિયા કપાયા છે, તો તમે એકમાત્ર એવા વ્યક્તિ નથી, જેના ખાતામાંથી આ રકમ કાપવામાં આવી છે. આવું ઘણા ગ્રાહકો સાથે થયું છે. વાસ્તવમાં સ્ટેટ બેંક ઓફ ઈન્ડિયા વિવિધ ડેબિટ કાર્ડ અને એટીએમ કાર્ડ રાખનારા ગ્રાહકોના ખાતામાંથી 147, 206.5 કે 295 રૂપિયા કાપે છે.

જો તમે પણ એસબીઆઈ ગ્રાહક છો અને તેની બેંકિંગ સેવાઓનો મોટાપાયે ઉપયોગ કરો છો, તો વર્ષમાં એકવાર તમારા બચત ખાતામાંથી કેટલીક રકમ કાપવામાં આવે છે. લોકો આ કપાતને લઈને બેંકના ચક્કર લગાવવા લાગે છે.

સ્ટેટ બેંકે બચત ખાતામાંથી 206.5 રૂપિયા કાપી લીઘા છે, તો તમે વિચારી રહ્યા હશો, કે તમને કોઈ પણ પ્રકારની જાણ કર્યા વગર બેંકે આ રૂપિયા કેમ કાપી લીધા.

એસબીઆઈની ઘણા ખાતાધારકોના ખાતામાંથી 147થી લઈને 295 રૂપિયા કાપી લીધા છે. આવું એટલા માટે થયું કારણ કે, સ્ટેટ બેંક ઓફ ઈન્ડિયા યુવાનો, ગોલ્ડ, ડેબિટ/એટીએમ રાખનારા ગ્રાહકો પાસેથી જુદા-જુદા ચાર્જ વસૂલ કરે છે.

એસબીઆઈ યુવા ડેબિટ કાર્ડ, ગોલ્ડ ડેબિટ કાર્ડ, કોમ્બો ડેબિટ કાર્ડ કે માય કાર્ડ, એટીએમ કાર્ડ સહિત આમાંથી કોઈ પણ ડેબિટ/એટીએમનો ઉપયોગ કરનારા લોકો પાસેથી વાર્ષિક જાળવણી ફીના રૂપમાં 175 રૂપિયા લે છે.

જ્યારે આ કપાત પર 18 ટકા જીએસટી પણ લાગૂ છે, એટલા માટે રકમમાં 31.5 રૂપિયા જીએસટી જોડવામાં આવ્યો છે. એટલા માટે 175 રૂપિયા + 31.5 રૂપિયાની સાથે આ રકમ 206.5 રૂપિયા થઈ ગઈ. હવે તમે પૂરી રીતે સમજી ગયા હશો, કે સ્ટેટ બેંક ઓફ ઈન્ડિયા તેના બચત ખાતામાંથી 206.5 રૂપિયા કેમ અને કેવી રીતે કાપ્યા?