અમિતાભ બચ્ચને આ કંપનીના શેર પર લગાવ્યા રૂપિયા, હવે બેઠી કમાણીથી કરી રહ્યા છે જલસા

નવી દિલ્હીઃ બોલીવૂડના શહેનશાહ તરીકે જાણીતા અમિતાભ બચ્ચનની એક્ટિંગના તો ધણા દિવાના હશે. અમિતાભ બચ્ચનના ચાહકો તો તેમની ફિલ્મોની રાહ જોઈ રહ્યા હોય છે. બોલીવૂડના શહેનશાહનું ફિલ્મી કરિયર ઘણુ લાંબુ છે. જાણકારી અનુસાર, બોલીવુડના શહેનશાહ અમિતાભ બચ્ચન માત્ર બોલીવૂડની એક્ટિંગ જ નહિ, પણ રોકાણના મામલે પણ ઘણા આગળ છે.

અમિતાભ બચ્ચને વર્ષ 2018માં એક કંપનીના શેરો પર દાવ લગાવ્યો હતો. હવે તે કંપનીના શેર અમિતાભ બચ્ચનને તગડું વળતર આપી રહ્યા છે. જાણકારી અનુસાર, આ કંપનીના શેર અમિતાભ બચ્ચનને હજુ સુધી 5 ગણું વળતર આપી ચૂક્યા છે.

કયો છે આ શેર? - Ace Equityના ડેટા અનુસાર, વર્ષ 2018માં બિગ બીએ ડીપી વોયર્સ કંપનીના લગભગ 3,32,000 શેર ખરીદ્યા હતા. આ કંપનીમાં તેમની હિસ્સેદારી લગભગ 2.45 ટકા હતી. જાણકારી અનુસાર, ડીપી વાયર્સ એક સ્મોલ કેપ કંપની છે.

શેરબજારના જાણકાર જણાવે છે, કે સ્મોલ કેપ કંપની જોખમથી ભરેલી હોય છે અને આમાં તે જ રૂપિયા લગાવી શકે છે, જે આ કામમાં માહિર હોય છે. આ કંપની જ્યારે ફાયદા પર આવે છે, ત્યારે જબરદસ્ત ફાયદો કરાવે છે. પરંતુ આમાં ખોટ થવાનું જોખમ પણ તેટલું જ વધારે હોય છે.

વર્ષ 2018માં જ્યારે અમિતાભ બચ્ચને ડીપી વાયર્સના શેર ખરીદ્યા હતા, તે સમયે તેનો ભાવ લગભગ 74 રૂપિયા હતો, પરંતુ વર્તમાન સમયમાં તેનો ભાવ વધીને 359.65 રૂપિયા પર પહોંચી ગયો છે, એટલે કે લગભગ 5 વર્ષોમાં આ કંપનીએ અમિતાભ બચ્ચનને 5 ગણો ફાયદો કરાવ્યો છે. 3 સપ્ટેમ્બર 2018થી લઈને 3 માર્ચ 2023 સુધી આ કંપનીના શેરોમાં 380 ટકાનો ઉછાળો જોવા મળ્યો છે.

વર્ષ 2018માં જ્યારે અમિતાભ બચ્ચને ડીપી વાયર્સના શેર ખરીદ્યા હતા, તે સમયે તેનો ભાવ લગભગ 74 રૂપિયા હતો, પરંતુ વર્તમાન સમયમાં તેનો ભાવ વધીને 359.65 રૂપિયા પર પહોંચી ગયો છે, એટલે કે લગભગ 5 વર્ષોમાં આ કંપનીએ અમિતાભ બચ્ચનને 5 ગણો ફાયદો કરાવ્યો છે. 3 સપ્ટેમ્બર 2018થી લઈને 3 માર્ચ 2023 સુધી આ કંપનીના શેરોમાં 380 ટકાનો ઉછાળો જોવા મળ્યો છે.

આ સ્મોલ કેપ કંપનીના કારણે બોલીવૂડના શહેંશાહને જબરદસ્ત ફાયદો થયો છે. ગત એક વર્ષની વાત કરીએ તો કંપનીએ લગભગ 20 ટકાનું વળતર આપ્યું છે.