ફક્ત 25000ના ખર્ચમાં આ વસ્તુની ખેતી કરીને લાખોમાં કમાણી કરવા લાગ્યો ખેડૂત!

આપણો દેશ ખેતી પ્રધાન દેશ છે જોકે આજના બદલાતા સમય અને વાતાવરણ વચ્ચે ફક્ત પરંપરાગત ખેતી પર ટકી રહેવું ખેડૂતો માટે મુશ્કેલ બન્યું છે ત્યારે કેટલાક ખેડૂતો સમય વર્તે સાવધાન સૂત્રને અપનાવીને ઘણા સમયથી નિતનવા ખેતી પ્રયોગો કરતા થયા છે અથવા તો આધુનિક ખેતી તરફ વળીને લાખો રુપિયા કમાતા થયા છે. આવી જ એક સફળતાની કહાની વિશે આપણે આજે વાત કરવાના છીએ.

વાત છે કર્ણાટક રાજ્યના નાનકડા ગામડામાં રહેતા ખેડૂતની જેણે સાઈડ ઇન્કમ વધારવા માટે ગાંધી કૃષિ વિજ્ઞાન કેન્દ્રમાંથી તાજા પાણીના મોતીની ખેતી માટે ટ્રેનિંગ લીધી અને આજે પોતાની પરંપરાગત ખેતી કરતાં પણ વધારે મોતીની ખેતીથી કમાણી કરી રહ્યા છે.

ખેડૂત નવીન ચથુબાઈ પહેલાથી ખેતી સાથે સંકળાયેલા હતા. જોકે પોતાની નાની જમીનમાં તેમને એટલી આવક નહોતી થતી ત્યારે તેમણે તાજા પાણીના મોતીની ખેતી માટે ટ્રેનિંગ મેળવી અને પચી પોતાની ઘર પાસે જ બે પાણીની ટેન્ક બનાવી આ ખેતી શરું કરી. ત્યારબાદ પોતાના એક ઓળખીતા મારફત હૈદરાબાદના એક વેપારીને તેઓ અત્યાર સુધીમાં 300થી વધુ મોતી વેચી ચૂક્યા છે અને તગડી કમાણી કરી ચૂક્યા છે.

તેમણે કહ્યું કે પહેલા પોતાના આ બાબતે કોઈ ખ્યાલ નહોતો પરંતુ એકવાર મત્સ્ય ઉદ્યોગ અને રાષ્ટ્રીય જળ પરિવહન વિભાગના મંત્રી એસ. અગારાના એક પ્રવચન દરમિયાન તેને આ બાબતે જાણવા મળ્યું પછી તેણે મોતીની ખેતી કરવાનું નક્કી કર્યું. મંત્રીએ જુદી જુદી યોજનાઓ અંગે વાત કરી હતી જે પછી મે ગાંધી કૃષિ વિજ્ઞાન કેન્દ્રમાંથી તાલીમ લીધી અને જાણકારી મેળવી.

જે બાદ તેમણે રુ. 25000ના પ્રાથમિક રોકાણમાં પોતાના ખેતરમાં બે ટેન્ક બનાવી. બંને ટેન્કની કેપેસિટી 5000 લિટરની રાખવામાં આવી. જે બાદ બંનેમાં પ્લાસ્ટિક શીટ રાખીને પાણીના બાષ્પીભવનને અટકાવવામાં આવ્યું. જે બાદ તેમણે 500 છીપ ખરીદ્યા અને સિડિંગ કર્યા બાદ ટ્રેમાં ટેન્કની અંદર પાણીમાં રાખવામાં આવ્યા.

તેમણે જણાવ્યું કે મોતીની ખેતી કેટલાક પ્રમાણમાં વૈજ્ઞાનિક જ્ઞાન પણ જરુરી છે. કારણ કે આ ખેતી દરમિયાન તમારે દર સપ્તાહમાં પાણીની ટેન્ક સાફ કરવાની હોય છે સાથે સાથે છીપને સૂર્યના સીધા તાપથી બચાવવાનો પણ હોય છે. તો છીપની પણ પૂરતી સંભાળ લેવી પડે છે ત્યારે છીપ તમને 12 મહિને પ્રત્યેક છીપ મુજબ 1થી 2 મોતી પ્રોડક્ટના સ્વરુપમાં આપે છે.

આ ઉપરાંત નવીન આ જ ટેન્કમાં સુશોભન માટેની માછલીઓનો પણ ઉછેર કરે છે. તેમણે કહ્યું કે જો મે ટેન્ક હજુ પણ મોટી બનાવી હોત તો મોતીની ખેતી સાથે સાથે હું માછલી પાલન પણ કરી શક્યો હોત.

(ડિસ્ક્લેમરઃ અહીં આપવામાં આવેલ બિઝનેસ આઈડિયા અથવા ખેતીની જાણકારી ફક્ત સમાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપની વિવેકબુદ્ધિનો ઉપયોગ ચોક્કસ કરો.)