માવઠાએ ખેડૂતને રોવડાવ્યા, ડુંગળીનાં પાકનો સફાયો થતા ખેડૂતોની હાલત બની કફોડી

Abhishek Gondaliya, Amreli: હાલ બજારમાં ડુંગળીનાં ભાવ નથી. ડુંગળીનું વાવેતર કરનાર ખેડૂતો રાતા પાણીએ રોવાનો વારો આવ્યો છે. બીજી તરફ કુદરતી આફતનાં કારણે ડુંગળીનો પાક નિષ્ફળ ગયો છે.

સાવરકુંડલાનાં નાની વડાળ ગામનાં ખેડૂત પ્રવીણભાઈએ ડુંગળીનું વાવેતર કર્યું હતું. પરંતુ કમોસમી વરસાદ પડવાનાં કારણે પાક નિષ્ફળ થયો છે. વરસાદ થતા ડુંગળી પાણીમાં તણાઈ વોંકળા સુધી પહોંચી ગઇ છે.

સાવરકુંડલાનાં નાની વડાળ ગામનાં ખેડૂત પ્રવીણભાઈએ જણાવ્યું હતું કે, વરસાદનાં કારણે ખેતીમાં મોટી નુકસાની ગઇ છે.

ડુંગળીનું વાવેતર કર્યું હતું. વરસાદ થતા ડુંગળીનાં પાકને ભારે નુકસાન થયું છે. ખેતરમાં પડેલી ડુંગળી વરસાદના પાણીમાં તણાઈ વોંકળા સુધી પહોચી ગઇ હતી.

અમરેલી જિલ્લાના ધારી, સાવરકુંડલા, બગસરા તાલુકામાં કમોસમી વરસાદ પડવાને કારણે ચણા, ઘઉં, બાજરી, જુવાર, ડુંગળી, ઉનાળુ મગફળી, કેરીનાં પાકને ખૂબ જ નુકસાની પહોંચી છે.

ખેડૂતો સિઝનમાં કરેલી મહેનત ઉપર પાણી ફરી વળ્યું હતું. ખેડૂતો મોટું નુકસાન થયું છે. વરસાદનાં કારણે થયેલા નુકસાનનો સરવે કરી સહાય આપવા માંગ કરાઇ છે.