Tataના આ શેર માટે દિવસો ખરાબ! કરાવી શકે છે ભારે નુકસાન, બ્રોકરેજ હાઉસે આપી વેચવાની સલાહ

નવી દિલ્હીઃ ટાટા મોટર્સના શેરોમાં જો તમે રોકાણ કર્યું હોય તો બ્રોકરેજ ફર્મ UBSની નવી રિપોર્ટ વિશે જાણી લો તો ફાયદામાં રહેશો. UBSએ ટાટા મોટર્સના શેરોને ડાઉનગ્રેડ કરીને ન્યૂટ્રલથી સેલ રેટિંગ આપી છે. જો કે, તેની સાથે જ UBSએ ટાટા મોટર્સના શેરોના 12 મહિનાના લક્ષ્યને 320 રૂપિયાથી વધીને 450 કરી દીધું છે.

UBS ગ્લોબલ પ્રીમિયમ ઈલેક્ટ્રિકલ વ્હીકલ ઈન્ડસ્ટ્રીઝનું વિશ્લેષણ કર્યું છે. આ વિશ્લેષણમાં ખાસ કરીને JLR પર ફોકસ કર્યું છે. કારણ કે, ફિસ્કલ યર 2023માં ટાટા મોટર્સની કેટલીક સેલ્સ અને EBITDAમાં JLRની હિસ્સેદારી બે તૃત્યાંશથી વધારે છે. બ્રોકરેજ ફર્મના વિશ્લેષણથી ખબર પડે છે કે, બજાર પ્રીમિયમ કારોના ઈલેક્ટ્રિક સેગમેન્ટમાં ઉતરવાથી જોખમો અને નબળાઈઓને હળવાશમાં લઈ રહ્યું છે. આ ઉપરાંત બજારની જબરદસ્ત પ્રતિયોગિતાના કારણે ડોમેસ્ટિક ઓટો માર્કેટમાં ટાટા મોટર્સની હિસ્સેદારી તેના પીક પર છે.

બ્રોકરેજ ફર્મ UBSનું માનવું છે કે, JLRનું વર્તમાનમાં મજબૂત પ્રદર્શન, S&P BSE ઓટો ઈન્ડેક્સમાં આ વર્ષે હજુ સુધી 23 ટકાની તેજી બહુ ટકાઉ નથી. આ દમદાર પ્રદર્શનનું કારણે પ્રોડક્ટ મિક્સમાં ઉતારચઢાવ અને ઓછુ ડિસ્કાઉન્ટ છે. એવામાં UBSએ તેના રોકાણકારોને ટાટા મોટર્સના શેરોથી નીકાળવાની સલાહ આપતા રેટિંગ ડાઉનગ્રેડ કરી દીધી છે.

JLRના નબળા નાણાકીય અને ટેકનોલોજી પરિણામો હોવા છતા ટાટા મોટર્સની વર્તમાન શેર પ્રાઈસના હિસાબધથી તેનો p/E BMW AG/મર્સિડીઝના પ્રમાણમાં 70 ટકા વધારે છે.

UBSએ તેની રિપોર્ટમાં હાઈલાઈટ કર્યું છે કે, ફિસ્કલ યર 2024ની બીજા ક્વાટરમાં JLRની સરેરાશ સેલિંગ પ્રાઈઝ અને માર્જિનમાં ઘટાડાની સાથે-સાથે ભારતીય શેરબજારના નબળા પ્રદર્શનને જોતા ટાટા મોટર્સના શેર વેચવાની સલાહ આપી છે. આમ તો ધ્યાન આપવાની વાત તો એ પણ છે કે, JLRનું માર્જિન વધ્યું તો UBSનું વિશ્લેષણ ખોટું પણ હોઈ શકે છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)