તમારી પાસે છે અદાણી પોર્ટ્સના શેર? આખરે આવ્યા છે એક સારા સમાચાર

અદાણી પોર્ટ્સ અને સ્પેશિયલ ઈકોનોમિક ઝોન (APSEZ) એ ગુરુવારે 300 મિલિયન મેટ્રિક ટન (MMT) કાર્ગો હેન્ડલિંગને પાર કર્યું હતું. કંપનીએ કાર્ગોનું આ હેન્ડલિંગ માત્ર 329 દિવસમાં પાર કર્યું છે.

કંપનીએ એક નિવેદનમાં જણાવ્યું હતું કે APSEZએ બે દાયકા પહેલા કામગીરી શરૂ કરી ત્યારથી સાતત્યપૂર્ણ વૃદ્ધિ નોંધાવી છે અને સમગ્ર ભારતમાં કાર્ગો વોલ્યુમમાં વધારાને પાછળ રાખી રહ્યું છે. કંપનીએ કહ્યું કે તેનો બજાર હિસ્સો ઝડપથી વધી રહ્યો છે.

APSEZના CEO અને હોલ ટાઈમ ડિરેક્ટર કરણ અદાણીએ જણાવ્યું હતું કે, "APSEZનું ફ્લેગશિપ પોર્ટ મુંદ્રા તેના તમામ નજીકના સ્પર્ધકોને સારા માર્જિનથી પાછળ છોડી રહ્યું છે અને વોલ્યુમની દ્રષ્ટિએ દેશનું સૌથી મોટું બંદર બન્યું છે." ગયા શુક્રવારે કંપનીના શેરમાં રિકવરી જોવા મળી હતી. કંપનીનો શેર લગભગ 1.50 ટકાના વધારા સાથે રૂ. 559.80 પર બંધ થયો હતો.

એન્ડ ટુ એન્ડ સોલ્યુશન: APSE, અદાણી ગ્રૂપનો એક ભાગ, જે એક પોર્ટ કંપનીમાંથી એક સંકલિત ટ્રાન્સપોર્ટ યુટિલિટી તરીકે વિકસિત થઈ રહ્યું છે. જે તેના પોર્ટ ગેટથી ગ્રાહક દ્વાર સુધી એન્ડ-ટુ-એન્ડ સોલ્યુશન્સ પ્રદાન કરે છે.

લોન ચૂકવી દીધી: પાછલા દિવસોમાં હિંડનબર્ગના અહેવાલ પછી અદાણી જૂથના શેરમાં મોટો ઘટાડો થયો હતો. જોકે અદાણી જૂથ રોકાણકારોમાં વિશ્વાસ જગાડવા માટે સતત પગલાં લઈ રહ્યું છે. તાજેતરમાં, અદાણી પોર્ટે SBI મ્યુચ્યુઅલ ફંડને પોતાની મોટી લોન ચૂકવી દીધી છે.

કંપનીના પ્રવક્તાએ જણાવ્યું હતું કે અદાણી પોર્ટ્સ અને SEZએ SBI મ્યુચ્યુઅલ ફંડના રૂ. 1,000 કરોડના લેણાં ક્લિયર કર્યા છે અને યુનિટ આવતા મહિને રૂ. 1,000 કરોડની ટૂંકા ગાળાની લોન પણ ચૂકવશે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)ગ્લેનમાર્ક લાંબા કોન્સોલિડેશનના પીરીયડથી બ્રેકઆઉટના નજીક છે. સ્ટોકમાં F&O સ્પેસમાં ફ્રેશ, બિલ્ટ-અપ પોઝિશન પણ જોવા મળી છે. જો આ શેર 445 રૂપિયા તૂટે તો નજીકના ગાળામાં 500 રૂપિયા તરફની ચાલ જોવા મળી શકે છે. નીચેની તરફ સપોર્ટ રૂ. 428માં દેખાઈ રહ્યો છે.