Adani Group માટે બે-બે મોટા સમાચાર, તો શું આજે પણ ફરી બધા શેર્સ ઉછળશે?

બુધવારે ઘણા દિવસો પછી ભારતીય બજાર તેજીના ઉછાળા સાથે બંધ રહ્યું છે. જેની સાથે લગભગ એક મહિનાથી વધારે સમય બાદ અદાણી ગ્રુપના શેરમાં રોનક ફરી આવી છે. બુધવારે કારોબાર દરમિયાન અદાણી ગ્રુપના તમામ શેરમાં રિકવરી જોવા મળી હતી. ત્યારે આજે પણ રોકાણકારો આ શેર્સમાં શું થશે તે વિશે વિચારી રહ્યા છે.

આ સાથે જ બજાર બંધ થયા બાદ અદાણી ગ્રુપ વિશે બે મહત્વના સમાચાર સામે આવ્યા છે. જેની અસર આજે બજારમાં તેના શેર્સ પર જોવા મળી શકે છે. એક તો અદાણી ગ્રુપને મોટી લોન મળી છે જે સાથે ગ્રુપની ક્રેડેબિલિટી ફરી સ્થાપિત થઈ શકે છે તો બીજી તરફ આ જે સુપ્રીમ કોર્ટ અદાણી ગ્રુપ વિશે હિડનબર્ગના અહેવાલને લઈને દાખલ કરવામાં આવેલ અરજી પર સુનાવણી કરી શકે છે.

અદાણી ગ્રુપે સોવરિન વેલ્થ ફંડમાંથી $3 બિલિયનની લોન મેળવવાના સમાચારને નકારી કાઢ્યા છે. બ્લૂમબર્ગના જણાવ્યા અનુસાર, અદાણી જૂથે એવા અહેવાલોને નકારી કાઢ્યા હતા કે તેણે લેણદારોને કહ્યું હતું કે તેને સાર્વભૌમ સંપત્તિ ભંડોળમાંથી $3 બિલિયનની લોન મળી છે.

સુપ્રીમ કોર્ટ 2 માર્ચે હિંડનબર્ગ રિપોર્ટ સંબંધિત અરજીઓની સુનાવણી કરશે. આ સુનાવણી દરમિયાન સુપ્રીમ કોર્ટ પોતાનો ચુકાદો આપી શકે છે. CJIની આગેવાની હેઠળની બેંચ સવારે 10.30 વાગ્યે આ મામલે ચુકાદો સંભળાવશે. આ નિર્ણય રોકાણકારોની સુરક્ષા માટેના નિયમનકારી તંત્ર સાથે સંબંધિત હશે. જેમાં સુપ્રીમ કોર્ટ સમિતિની રચનાના મુદ્દે ચુકાદો આપી શકે છે. સુપ્રીમ કોર્ટ અદાણી કેસને લઈને દાખલ કરવામાં આવેલી અલગ-અલગ અરજીઓ પર પણ સુનાવણી કરશે.

3 જજની બેન્ચ સુનાવણી કરશેઃ આ સુનાવણીમાં ચીફ જસ્ટિસ ડીવાય ચંદ્રચુડ, પીએસ નરસિમ્હા અને જેબી પારડીવાલાની ત્રણ જજોની બેન્ચ હશે. મહત્વનું છે કે વકીલ વિશાલ તિવારી, મનોહર લાલ શર્મા, કોંગ્રેસના નેતાઓ જયા ઠાકુર અને અનામિકા જયસ્વાલે અદાણી કેસને લઈને અરજી કરી હતી.

બ્લૂમબર્ગના જણાવ્યા અનુસાર, જૂથ વતી કહેવામાં આવ્યું છે કે “અમે આ પાયાવિહોણી અટકળોને સંપૂર્ણપણે નકારીએ છીએ. આ સંપૂર્ણપણે ખોટું અને અસત્ય છે." અગાઉ રોઇટર્સે અહેવાલ આપ્યો હતો કે અદાણી જૂથે તેના લેણદારોને કહ્યું છે કે તેને સોવરિન વેલ્થ ફંડમાંથી $3 બિલિયનની લોન મળી છે.

અહેવાલમાં એવું કહેવામાં આવ્યું હતું કે અદાણી જૂથ શોર્ટ-સેલર હિંડનર્ગના આરોપો પછી ક્રેડિટ પ્રોફાઇલ અંગેની ચિંતા ઘટાડવા માંગે છે. આ પગલા બાદ અદાણી ગ્રુપને મોટી રાહત મળવાની આશા છે.

અદાણી ગ્રુપના શેરમાં રિકવરી: અદાણી ગ્રુપમાં આજે રિકવરી જોવા મળી હતી. NSE પર ગ્રુપના તમામ શેરમાં 2 થી 14 ટકાનો વધારો જોવા મળ્યો હતો. અદાણી એન્ટરપ્રાઈઝ આજે 14 ટકાથી વધુ વધીને બંધ રહ્યો હતો. બીજી તરફ અદાણી ગ્રીન, અદાણી પાવર, અદાણી ટોટલ, અદાણી ટ્રાન્સમિશન, અદાણી વિલ્મરમાં 5-5 ટકાની ઉપલી સર્કિટ છે. ACC અને અંબુજા સિમેન્ટમાં 2 ટકાથી વધુનો વધારો થયો છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)