Financial Year: 1 એપ્રિલ પહેલા પતાવી લો આ કામ, નહીં તો ભરવી પડશે પેનલ્ટી

મુંબઈ. 31 માર્ચ, 2022ના રોજ નાણાકીય વર્ષ (Financial Year) પૂર્ણ થઈ રહ્યું છે. નાણાકીય વર્ષ પૂર્ણ થતું હોય ત્યારે અનેક કામ પૂર્ણ કરવા જરૂરી હોય છે. એટલે કે પેનલ્ટી (Penalty)થી બચવા માટે અનેક એવા કામ છે જેને 31 માર્ચ, 2022 સુધી પૂર્ણ કરવા જરૂરી બને છે. જો આવું ન કરવામાં આવે તો નવા નાણાકીય વર્ષથી પરેશાનીનો સામનો કરવો પડી શકે છે. કારણ કે પહેલી એપ્રિલ 2022થી નવું નાણાકીય વર્ષ (New financial year) શરૂ થાય છે. આજે અમે તમને એવા પાંચ કામ વિશે જણાવી રહ્યા છીએ જેને 31 માર્ચ 2022 (31st March) પહેલા પૂર્ણ કરી લેવા જરૂરી છે.

1) આધાર-પાન કાર્ડ લિંક : આધાર કાર્ડ અને પાન કાર્ડને લિંક કરવાની અંતિમ તારીખ 31 માર્ચ 2022 છે. જો તમે આ તારીખ સુધી આ કામ પૂર્ણ નથી કરતા તો તમારું પાન કાર્ડ નિષ્ક્રિય થઈ શકે છે. આથી તમને નવા નાણાકીય વર્ષમાં અનેક કામોમાં મુશ્કેલી પડી શકે છે. બેંકથી લઈને અનેક કામો માટે પાન કાર્ડ ખૂબ જરૂરી દસ્તાવેજ છે.

2) ઇન્કમ ટેક્સ રિટર્ન : જો તમે અસેસમેન્ટ યર 2021-22 માટે ઇન્કમ ટેક્સ રિટર્ન ફાઇલ નથી કર્યું તો આ માટે અંતિમ તારીખ 31 માર્ચ છે. આ સાથે જ આ તારીખ સુધી તમે તમારે ઇન્કમ ટેક્સ રિટર્નને રિવાઇઝ કરી શકો છો. આ તારીખ બાદ તમે 2021-22ના વર્ષ માટે ઇન્મક ટેક્સ રિટર્ન ફાઇલ નહીં કરી શકો. જો તમે રિટર્ન ફાઇલ નથી કર્યું અને તમારી ટેક્સની જવાબદારી 10,000 રૂપિયાથી વધારે બને છે તો ડિપાર્ટમેન્ટ તમારી વિરુદ્ધ કાર્યવાહી પણ કરી શકે છે. આ કેસમાં જેલની સજાની પણ જોગવાઈ છે.

3) બેંક ખાતાનું KYC :  પહેલા બેંક ખાતાઓમાં KYC (Know your client) અપડેટ કરવાની અંતિમ તારીખ 31 માર્ચ, 2021 હતી. જોકે, કોરોનાને પગલે આ તારીખને આગળ વધારવામાં આવી હતી. આરબીઆઈએ કેવાયસી અપડેટ કરવાની અંતિમ તારીખ 31 માર્ચ, 2022 કરી દીધી છે. એટલે કે 31 માર્ચ પહેલા બેંક ખાતાની કેવાયસી કરાવી લો.

5) એડવાન્સ ટેક્સ : ઇન્મક ટેક્સની કલમ 208 પ્રમાણે 10,000થી વધારે ટેક્સની જવાબદારી બનતી હોય તેવા કરદાતાઓએ એડવાન્સ ટેક્સ ભરવો જરૂરી છે. કરદાતાઓ ચાર હપ્તામાં ટેક્સની ચૂકવણી કરી શકે છે. અંતિમ હપ્તાની ચૂકવણી 15મી માર્ચ સુધી કરવાની હતી.