તમારા ખિસ્સાને હળવું થતું બચાવો! આ 5 ક્રેડિટ કાર્ડ પર મળે છે સૌથી સારી કેશબેક ઑફર

નવી દિલ્હી: ખરીદીની ચૂકવણી પર મુદ્દત મળથી હોવાથી લોકો ક્રેડિટ કાર્ડ (Credit card) લેતા હોય છે. ક્રેડિટ કાર્ડના અનેક પ્રકાર હોય છે. ખર્ચ કરવાની રીત અને લાઇફસ્ટાઇલ (Lifestyle) પ્રમાણે તમારે ક્રેડિટ કાર્ડની પસંદગી કરવી જોઈએ. ખાસ કરીને ઑનલાઇન ખરીદી (Online shopping) પર વધારે લાભ મળતો હોય તેવા અને વધારે કેશબેક (Cashback Offer) મળતું હોય તેવા ક્રેડિટ કાર્ડની લોકો પસંદગી કરતા હોય છે. આજના સમયમાં ક્રેડિટ કાર્ડનું કેશબેક ફીચર ખૂબ જ લોકપ્રીય છે. આજકાલ બજારમાં આ પ્રકારના અનેક ક્રેડિટ કાર્ડ ઉપલબ્ધ છે, જેમાં તમને સારી ઑફર અને કેશબેક મળે છે.

ક્રેડિટ કાર્ડ પર મળતું કેશબેક (Cashback on Credit cards) એવા લોકો માટે ફાયદાકારક છે જેઓ વધારે ઑનલાઇન ખરીદી કરતા હોય છે. આ કાર્ડ પર નિયમિત રીતે મળતા કેશબેકથી તમારી બચત વધી શકે છે. આજે અમે તમારા માટે એવા જ ક્રેડિટ કાર્ડની યાદી લાવ્યા છીએ. આ કાર્ડ્સ પર આકર્ષક ઑફર્સ મળે છે. અમારું આ વિશ્લેષણ Paisabazaar પર આધારિત છે.

Amazon Pay ICICI Credit Card: આ કાર્ડ પર પ્રાઇમ મેમ્બર્સને અમેઝોન પર ખરીદી કરવા પર 5 ટકા કેશબેક મળે છે. આ કાર્ડ પર નોન પ્રાઇમ મેમ્બર્સને ત્રણ ટકા અને 100-plus Amazon partner merchantsને બે ટકા અને અન્ય ટ્રાન્ઝેક્શન પર 1 ટકા કેશબેક મળે છે. આ ક્રેડિટ કાર્ડ લાઇફ ટાઇમ ફ્રી છે.

Axis Bank Ace Credit Card: ગૂગલ પે મારફતે કરવામાં આવતા રિચાર્જ અને બિલ પેમેન્ટ પર 5 ટકાનું કેશબેક મળે છે. BigBasket અને Grofers પર કરવામાં આવતી ખરીદી પર 5 ટકા, સ્વિગી, ઝોમાટો, ઓલા પર 4 ટકા અને બીજા તમામ ખર્ચ પર બે ટકા કેશબેક મળે છે. આ ક્રેડિટ કાર્ડની વાર્ષિક ફી 499 રૂપિયા છે.

Flipkart Axis Bank Credit Card: ફ્લિપકાર્ટ, મિન્ત્રા અને 2GUD પર કરવામાં આવતી ખરીદી પર 5 ટકા કેશબેક મળે છે. અન્ય પસંદગીની વસ્તુઓ પર ચાર ટકા અને અન્ય કેટેગરીમાં 1.5 ટકા કેશબેક મળે છે. આ કાર્ડની વાર્ષિક ફી 500 રૂપિયા છે.

HSBC Cashback Credit Card: તમામ ઓનલાઇન ખર્ચ (વૉલેટ રીલોડને બાદ કરતા) પર 5 ટકા કેશબેક મળે છે. અન્ય પ્રકારના ખર્ચ પર 1 ટકા કેશબેક મળે છે. આ ઉપરાંત તમે અમુક લિસ્ટેડ વસ્તુઓ પર EMI ટ્રાન્ઝેક્શન પર પણ કેશબેક મેળવી શકો છો. આ કાર્ડની વાર્ષિક ફી 700 રૂપિયા છે.

HDFC Millenia Credit Card: આ કાર્ડથી અમેઝોન અને ફ્લિપકાર્ટ પર કરવામાં આવતી ખરીદી પર 5 ટકા કેશબેક મળે છે. આ ઉપરાંત PayZapp અને SmartBuy ફ્લાઇટ અને હોટલ બુકિંગ પર પાંચ ટકા કેશબેક મળે છે. આ ઉપરાંત ઓછામાં ઓછી બે હજાર રૂપિયાની ઑનલાઇન ખરીદી પર 2.5 ટકા કેશબેક મળે છે. આ ઉપરાંત વૉલેટ રીલોડ કરવા અને ઑફલાઇન ખર્ચા પર 1 ટકા કેશબેક મળે છે. આ કાર્ડની વાર્ષિક ફી 1,000 રૂપિયા છે.