જાન્યુઆરીમાં થશે આ 8 મોટા ફેરફાર, આપની જિંદગી પર પડશે સીધી અસર

નવું વર્ષ આપના માટે ખૂબ જ ખાસ રહેવાનું છે, કારણ કે જાન્યુઆરીથી દેશની સૌથી મોટી બેંક SBI આપના જૂની એટીએમ કાર્ડ બંધ કરી દેશે. બીજી તરફ, જૂની ચેક બુક પણ નહીં ચાલે. આ ઉપરાંત સરકારી પેન્શન સ્કીમમાં હવે આપને વધુ ફાયદો મળશે. આવો જાણીએ શું-શું બદલાશે?

(1) હવે આપને ઇન્શ્યોરન્સનું પ્રીમિયમ ભર્યા બાદ મોબાઇલ ઉપર એસએમએસ દ્વારા રિસિપ્ય મળશે. ઇન્શ્યોરન્સ રેગ્યુલેટર IRDAIએ આ નિર્ણય લીધો છે. તમામ ઇશ્યોરન્સ કંપનીઓને તેનું પાલન કરવું પડશે. 1 જાન્યુઆરી બાદ આપ ક્યારે પણ જો ઇન્શ્યોરન્સ પોલિસીનું પ્રીમિયમ ભરશો તો તેની સૂચના SMSથી આપને મોબાઇલ પર મળશે.

(2) ડેબિટ અને ક્રેડિટ કાર્ડમાં ફેરફાર: જો આપની પાસે મેગ્નેટિક સ્ટ્રિપવાળા ડેબિટ કાર્ડ કે ક્રેડિટ કાર્ડ છે તો આપ તેને તાત્કાલીક બદલી લો. કારણ કે 1 જાન્યુઆરી 2019થી તેના બદલે ઈએમવી ચિપ આધારિત ક્રેડિટ કે ડેબિટ કાર્ડ જ કામ કરશે.

(3) NPS પર ટેક્સ છૂટ: આ ફેરયાર આપને રાહત આપી શકે છે. નવા નિયમો મુજબ એનપીએસ એટલે કે નેશનલ પેન્શન સ્કીમ પર હવે ટેક્સ નહીં આપવો પડે, કારણ કે 1 જાન્યુઆરી 2019થી તેને EEE શ્રેણીમાં રાખવામાં આવશે. એટલે જો તમે એનપીએ મેચ્યોર થતાં પૈસા ઉપાડો છો તો તેના માટે આપને ટેક્સ નહીં આપવો પડે.

(4) જૂના ચેક માન્ય નહીં રહે: જો તમે હજુ પણ જૂના ચેકનો ઉપયોગ કરી રહ્યા છો તો તેને આપની બેંક સાથે તાત્કાલીક બદલી દો કારણ કે નવા વર્ષમાં જૂના ચેક નહીં ચાલે. નવા વર્ષમાં CTS, ચેક ટ્રાન્જેક્શન સિસ્ટમવાળા ચેક જ ઉપયોગમાં લઈ શકાશે. CTS ચેકને ક્લીયર થવા માટે એક બેંકથી બીજી બેંક મોકલવાની જરૂર નહીં રહે. તમામ જરૂરી જાણકારીઓ સહિત તેની એક ઇલેક્ટ્રોનિક ઇમેજ સંબંધિત પાર્ટીને મોકલી દેવામાં આવશે. આ ચેક વધુ સુરક્ષિત હોય છે. કારણ કે તેમાં વોયડ પેન્ટોગ્રાફ હોય છે, જેને કોપી નથી કરી શકાતી.

(5) કારોની કિંમતોમાં વધારો: જો તમે કાર લેવાનું વિચારી રહ્યો છો તો જલદી કરો, કારણ કે નવા વર્ષમાં કારોની કિંમત વધવાની છે. 1 જાન્યુઆરીથી કાર નિર્માતા કંપનીઓ કિંમતોમાં વધારો કરવા જઈ રહી છે.

(6) કાર, બાઇક અને સ્કૂટરના પર્સનલ એક્સીડેન્ટલ ઇશ્યોરન્સમાં ફેરફાર: ઈરડાના નવા નિયમો મુજબ નવા વર્ષથી કાર/કોમર્શિયલ વ્હીકલ્સ ડ્રાઇવર કે ટૂ-વ્હીલર રાઇડર માટે કંપલ્સરી, પર્સનલ એક્સીડન્ટ (CPA) કવરને વધારીને 15 લાખ કરી દેવામાં આવશે. આ પહેલા આ રકમ 1 લાખ રૂપિયા હતી.

(7) ટ્રાઈએ દેશના તમામ કેબલ ટીવી ગ્રાહકોને પોતાની પસંદની ચેનલ પસંદ કરવા માટે 31 જાન્યુઆરી સુધીનો સમય આપ્યો છે. નવી સ્કીમ હેઠળ ગ્રાહક પોતાની પસંદની ચેનલ્સ જોઈ શકશે અને તેને માટે જ ચૂકવણી કરશે. તેની સાથોસાથ ટીવી બ્રોડકાસ્ટર્સને દરેક ચેનલ અને ચેનલ્સના સમૂહનું મહત્તમ મૂલ્ય જણાવવું પડશે.

(8) જો આપે નાણાકીય વર્ષ 2017-18નું ઇન્કમ ટેક્સ રિટર્ન (આઈટીઆર) હજુ સુધી ભર્યું નથી તો તેને 31 ડિસેમ્બરથી પહેલા ભરી દો. આ આઈટીઆરને ફાઇલ કરતી વખતે આપને 5 હજાર રૂપિયાનો દંડ પણ આપવો પડશે. જોકે, જો તમે 1 જાન્યુઆરીથી લઈને 31 માર્ચ 2019 સુધી આઈટીઆર ફાઇલ કરશો તો પછી આ રકમ વધીને 10 હજાર રૂપિયા થઈ જશે. એટલા માટે અમારી સલાહ છે કે આપના ઇન્કમ ટેક્સ રિટર્નને આજે જ ફાઇલ કરી દો, જેનાથી પાંચ હજાર રૂપિયનો વધારાનો દંડ આપવાથી બચી જશો.