Mutual funds: મ્યુચ્યુઅલ ફંડોએ છેલ્લા બે મહિનામાં આ ટોપ 10 બેન્કિંગ શેર ફરીથી ખરીદ્યા

મુંબઇ: નિફ્ટી બેંક ઇન્ડેક્સે (Nifty Bank Index) 2021માં બજારના બેરોમીટર સામે અન્ડરપર્ફોર્મન્સમાં વધુ એક વર્ષ ઉમેર્યું હતું. લોકડાઉન દરમિયાન બેન્કોની સ્લિપેજ અને એસેટ ક્વોલિટીના મુદ્દાઓ પર અનિશ્ચિતતાને કારણે બેન્કિંગ શેરો (Banking Stocks)એ છેલ્લા બે વર્ષમાં મ્યૂટ શો જેવું વલણ દાખવ્યું હતું. નિષ્ણાતોનું માનવું છે કે ક્રેડિટ ગ્રોથ (Credit Growth) વધવાથી અને બેડ લોનને સરળ બનાવવાથી ભવિષ્યમાં બેન્કિંગ શેરોની સંભાવનાઓમાં સુધારો થશે. મ્યુચ્યુઅલ ફંડ માટે બેન્કિંગ સૌથી વધુ પસંદગીનું ક્ષેત્ર રહ્યું છે, જે ઉદ્યોગની ઇક્વિટી AUM (એસેડ અન્ડર મેનેજમેન્ટ)નો પાંચમો ભાગ ધરાવે છે. મજબૂત બેલેન્સશીટ્સ અને ઊંચી થાપણ ફ્રેન્ચાઇઝીવાળી મોટી બેંકો મ્યુચ્યુઅલ ફંડ્સ (Mutual Funds) માટે પસંદગી રહી છે. છેલ્લા બે મહિનામાં મ્યુચ્યુઅલ ફંડ્સ દ્વારા ખરીદવામાં આવેલા બેન્કિંગ શેરો (Top Banking Stocks) વિશે અમે તમને જણાવવા જઇ રહ્યા છીએ.

ICICI બેંક : મ્યુચ્યુઅલ ફંડમાં આઈસીઆઈસીઆઈ બેન્ક સૌથી વધુ પસંદગીનો શેર રહ્યો છે. છેલ્લા બે મહિનામાં તેમના પોર્ટફોલિયોમાં સામેલ નવી સ્કીમમાં આદિત્ય બિરલા એસએલ બિઝનેસ સાઇકલ, ક્વાન્ટ ક્વોન્ટામેન્ટલ, એચડીએફસી મલ્ટિ કેપ, એક્સિસ મલ્ટિકેપ અને આઇસીઆઇસીઆઇ પ્રુ ઇએસજી ફંડનો સમાવેશ થાય છે.

કોટક મહિન્દ્રા બેંક : કોટક મહિન્દ્રા બેન્કના શેરમાં નવી ઉમેરાયેલી કેટલીક સ્કીમમાં એલએન્ડટી ઇક્વિટી સેવિંગ્સ, ફ્રેન્કલિન ઇન્ડિયા બ્લુચિપ, નિપ્પોન ઇન્ડિયા બેન્કિંગ એન્ડ ફાઇનાન્શિયલ સર્વિસિસ, યુનિયન લાર્જ એન્ડ મિડકેપ અને આદિત્ય બિરલા એસએલ બિઝનેસ સાઇકલ ફંડનો સમાવેશ થાય છે.

બંધન બેંક : એક્સિસ બેલેન્સ્ડ એડવાન્ટેજ, ડીએસપી ડાયનેમિક એસેટ એલોકેશન, એડલવીસ લાર્જ એન્ડ મિડકેપ ઇન્ડેક્સ ફંડ, એચડીએફસી મલ્ટિ કેપ, એચડીએફસી મલ્ટિ-એસેટ અને યુટીઆઇ મલ્ટિ એસેટ ફંડ જેવી કેટલીક યોજનાઓએ બંધન બેન્કના શેરને તેમના પોર્ટફોલિયોમાં ફરીથી ઉમેર્યો હતો.

બેંક ઑફ બરોડા : છેલ્લા બે મહિનામાં ક્વાન્ટ વેલ્યૂ, આઇડીએફસી મલ્ટિ કેપ, આઇડીએફસી સ્ટર્લિંગ વેલ્યૂ, સુંદરમ લાર્જ એન્ડ મિડ કેપ, ડીએસપી ઇક્વિટી ઓપોર્ચ્યુનિટીઝ અને આઇસીઆઇસીઆઇ પ્રુ વેલ્યૂ ડિસ્કવરી ફંડ જેવી સ્કીમોએ બેન્ક ઓફ બરોડાના શેરનો ઉમેરો કર્યો છે.

એક્સિસ બેંક : આ લીસ્ટમાં એક્સિસ બેંકનું નામ પણ સામેલ છે. છેલ્લા બે મહિનામાં આઈસીઆઈસીઆઈ પ્રુ રિટાયરમેન્ટ ફંડ-પ્યોર ઈક્વિટી, આદિત્ય બિરલા એસએલ બિઝનેસ સાઈકલ, નિપ્પોન ઈન્ડિયા કન્ઝમ્પશન, એલઆઈસી એમએફ બેલેન્સ્ડ એડવાન્ટેજ અને એનજે બેલેન્સ્ડ એડવાન્ટેજ ફંડની કેટલીક સ્કીમોએ એક્સિસ બેંકના શેરને પોર્ટફોલિયોમાં સામેલ કર્યા છે.

કેનરા બેંક : આઈડીએફસી મલ્ટી કેપ, આઈડીએફસી ટેક્સ એડવર્ટ (ઈએલએસએસ), એનજે બેલેન્સ્ડ એડવાન્ટેજ, ક્વાન્ટ ટેક્સ અને સુંદરમ સ્મોલ કેપ જેવી કેટલીક સ્કીમોએ આ શેરમાં નવી ખરીદી કરી હતી.

IDFC ફર્સ્ટ બેંક : એક્સિસ બેલેન્સ્ડ એડવાન્ટેજ, ડીએસપી ઇક્વિટી સેવિંગ્સ, એનજે બેલેન્સ્ડ એડવાન્ટેજ અને યુટીઆઇ મલ્ટી એસેટ ફંડ જેવા હાઇબ્રિડ ફંડ્સે આઇડીએફસી ફર્સ્ટ બેંકના શેરમાં નવો વધારો કર્યો હતો.

પંજાબ નેશનલ બેંક : આદિત્ય બિરલા એસએલ બેલેન્સ્ડ એડવાન્ટેજ, એચડીએફસી ઇક્વિટી સેવિંગ્સ, એનજે બેલેન્સ્ડ એડવાન્ટેજ, પીજીઆઈએમ ઇન્ડિયા ઇક્વિટી સેવિંગ્સ અને સુંદરમ બેલેન્સ્ડ એડવાન્ટેજ જેવી કેટલીક સ્કીમોએ તેમના પોર્ટફોલિયોમાં સ્ટોકને ફરીથી ઉમેર્યો હતો.

સ્ટેટ બેંક ઑફ ઇન્ડિયા : છેલ્લા બે મહિનામાં પોતાના પોર્ટફોલિયોમાં એસબીઆઈના સ્ટોકને નવેસરથી ઉમેરનાર સ્કીમમાં આદિત્ય બિરલા એસએલ બિઝનેસ સાયકલ, કેનેરા રોબ કન્ઝર્વેટિવ હાઇબ્રિડ, એચડીએફસી મલ્ટિ કેપ, આઇટીઆઇ બેન્કિંગ એન્ડ ફાઇનાન્શિયલ સર્વિસિસ, સુંદરમ મિડ કેપ અને સુંદરમ સ્મોલ કેપ ફંડનો સમાવેશ થાય છે.

ડીસીબી બેંક : પી.જી.આઈ.એમ. ઇન્ડિયા સ્મોલ કેપ અને ટાટા સ્મોલ કેપ ફંડે છેલ્લા બે મહિનામાં તેમના પોર્ટફોલિયોમાં ડીસીબી બેંકના સ્ટોકને ફરીથી ઉમેર્યો છે.