માત્ર 1 લાખ રુપિયામાં શરું કરી શકશો આમાંથી કોઈ પણ બિઝનેસ, રુપિયાનો તો જાણે વરસાદ વરસશે

દૂધનો કારોબાર: જો તમારી પાસે ગાય અથવા ભેંસ છે તો તમે દૂધનો કારોબાર કરી શકો છો, અથવા તો નવી ગાય કે ભેંસ ખરીદીને તગડી કમાણી કરી શકો છો. તમે એક ગાય રુ. 30 હજારથી 90 હજાર સુધીમાં ખરીદી શકો છો. તેમજ ભેંસ તમે રુ. 50 હજારથી 1 લાખ સુધીમાં ખરીદી શકો છો. તમે ફક્ત બે ગાય કે ભેંસ સાથે વેપારની શરુઆત કરી શકો છો અને કોઈ ડેરી સાથે જોડાઈને નિયમિત આવક વધારી શકો છો.

ફૂલોની ખેતી અથવા નર્સરી: ફૂલનો બિઝનેસ ખૂબ જ હેપનિંગ છે, આજના સમયમાં લગ્નથી લઈને નાના નાના પ્રોગ્રામ અને પારિવારિક મેળાવડામાં પણ ફૂલોની સજાવટ અને બુકેની ખૂબ જ માગ રહેતી હોય છે. તમે ઓનલાઈન પણ ફૂલો અને તેના બુકે વેચી શકો છો. આ ઉપરાંત જો જમીન હોય તો તમે સુરજમુખી, ગુલાબ અથવા ગલગોટાના ફૂલોની ખેતી કરી શકો છો.

આ કિંમતી ઝાડ ઉગાવો અને કમાવ: જો તમારી પાસે જમીન પડી છે તો તેમાં સીસમનું ઝાડ ઉગાવી શકો છો. સીસમના લાકડાની ખૂબ જ વધુ કિંમત ઉપજે છે. આ ઝાડ ઉગાવ્યા બાદ 8-10 વર્ષે તેને વેચી શકાય છે. આજના સમયમાં સીસમનું ઝાડ લગભગ રુ. 40 હજાર સુધીમાં વેચાય છે. તો સાગનું ઝાડ પણ ઉગાવી શકો છો. તેની કિંમત તો સીસમ કરતાં પણ વધારે છે.

મધમાખી ઉછેર અને મધ કેન્દ્ર: તમે જો ખેતરમાં ફૂલ વાવો છો તો તેની સાથે સાથે મધમાખી ઉછેર કેન્દ્ર પણ શરું કરી શકો છો. ફક્ત 1થી દોઢ લાખ ખર્ચીને તમે પોતાનો બિઝનેસ શરું કરી શકો છો. પરંતુ આ બિઝનેસને ચલાવવા માટે તમારે ટ્રેનિંગ લેવી પડશે. જે તમને સરકારી કેન્દ્રોમાં પણ મળી શકે છે.

શાકભાજીનો બિઝનેસ: આજના સમયમાં શાકભાજીનો બિઝનેસ ખૂબ જ તગડી કમાણીનો બિઝનેસ છે. તમે શાકભાજીની ખેતી કરીને તગડી કમાણી કરી શકો છો. આ માટે તમારે બહુ જગ્યાએ જવાની જરુર પડતી નથી. આ પ્રકારની ખેતી માટે સરકાર પણ તમને મદદ કરે છે અને બંપર કમાણી થઈ શકે છે.

પોલ્ટ્રી એટલે કે મરઘા ઉછેર બિઝનેસ: પોલ્ટ્રી ફાર્મિંગ એક એવો બિઝનેસ છે જેની માગ સતત વધી રહી છે. જોકે આ માટે તમારે થોડું વધારે રોકાણ કરવાની જરુર પડે છે. હાલના સમયમાં ઈંડાની માગ વધતા મરઘા ઉછેર કેન્દ્રનો બિઝનેસ તગડી કમાણી અપાવી રહ્યો છે. તો બીજી તરફ સરકાર પણ મુદ્રા લોન યોજના હેઠળ આ બિઝનેસ માટે તમને મદદ કરે છે.

વાંસની ખેતી: વાંસની ખેતી દ્વારા તમે પણ ખૂબ સારા રુપિયાની કમાણી કરી શકો છો. આજના સમયમાં જ્યાં લોકો હવે પ્લાસ્ટિક છોડીને ફરી પકૃત્તિ તરફ વળી રહ્યા છે ત્યારે વાંસની બનેલી અનેક પ્રોડક્ટ માર્કેટ છે. તમે પણ વાંસની ખેતી કરી વાંસ વેચવાથી લઈને તેમાંથી પ્રોડક્ટ બનાવીને ખૂબ જ સારા એવા ભાવે વેંચી તગડી કમાણી કરી શકો છો.

મશરુમની ખેતી: તમે ઘરના બગીચા અથવા એક એક્સ્ટ્રા રુમમાંથી મશરુમની ખેતી કરી શકો છો. નાનકડા રોકાણમાં તમને તગડી કમાણી થઈ શકે છે. જેમાં તમે ફ્રેશ મશરુમ અથવા તો મશરુમની જુદી જુદી પ્રોડક્ટ વેચીને મહિને 50 હજારથી વધારે કમાણી કરી શકો છો.

ફિશ ફાર્મિંગ અથવા મત્સ્ય ઉછેર: આ ઉપરાંત તમે બિન ઉપજાઉ જમીનમાં તળાવ બનાવી અથવા ટેન્ક સ્થાપીને માછલી ઉછેર કેન્દ્ર પણ શરું કરી શકો છો. આ બિઝનેસમાં તગડી કમાણી થાય છે.

ફિશ ફાર્મિંગ અથવા મત્સ્ય ઉછેર: આ ઉપરાંત તમે બિન ઉપજાઉ જમીનમાં તળાવ બનાવી અથવા ટેન્ક સ્થાપીને માછલી ઉછેર કેન્દ્ર પણ શરું કરી શકો છો. આ બિઝનેસમાં તગડી કમાણી થાય છે.

એલોવેરાની ખેતી: જો તમારી પાસે જમીન હોય પરંતુ પાણીની સમસ્યા રહેતી હોય તો એલોવેરાની ખેતી ખૂબ જ બેસ્ટ ઓપ્શન છે. તમે ફક્ત રુ. 10 હજાર ખર્ચીને 2500 ઝાડ ઉગાવી શકો છો. તેમજ આ ઝાડને વેચવાથી લઈને તેનું જેલ બનાવી વેચી શકો છો. આજે લગભગ દરેક ઘરોમાં કોઈને કોઈ રીતે એલોવેરા પ્રોડક્ટ ઉપયોગ થાય છે.