અમદાવાદઃ "સફળતાની ચાવી" પુસ્તક વિમોચન અને વાર્તાલાપ યોજાયો

અમદાવાદમાં આવેલી નરસિંહ ભગત છાત્રાલય પાલડી ખાતે સફળતાની ચાવી પુસ્તક વિમોચન અને વાર્તાલાપ યોજાયો. (સંજય વાઘેલા, અમદાવાદ)

તા. 4-9-2019 ના રોજ સાંજે 5-30 વાગ્યે નરસિંહ ભગત છાત્રાલય ,પાલડી અમદાવાદ ખાતે 44 જેટલા પુસ્તકોના લેખક, ટ્રેનર અને મોટીવેશનલ સ્પીકર ડો.ભાણજીભાઈ સોમૈયા લિખિત પુસ્તક"સકારાત્મક વ્યક્તિત્વ:સફળતાની ચાવી" પુસ્તકનું વિમોચન ડો. ગૌતમ મકવાણા(એમ.ડી.રેડીયોલોજી)ના વરદ હસ્તે કરવામાં આવ્યું હતું.

આ નિમિતે ડો.ભાણજભાઈ સોમૈયાએ સફળતાની ચાવીરૂપ આઠ નિયમો વિવિધ ઉદાહરણો ની મદદથી સમજાવ્યા હતા અને વિદ્યાર્થીઓ માં આત્મવિશ્વાસ જગાવ્યો હતો.

આ પ્રસંગે ભીખાભાઇ અમીન (ગાંધીનગર),નિવૃત પ્રિન્સિપાલ બાબુભાઇ ચાવડા, નિવૃત અધિકારી લક્ષમણભાઈ સારેસા તેમજ નાયબ સમાજ કલ્યાણ અધિકારી રાજુભાઇ રાઠોડ ઊપસ્થિત રહ્યા હતા.

કાર્યક્રમના અંતે ઉપસ્થિત તમામ વિદ્યાર્થીઓ ને લેખક તરફથી આ પુસ્તક સપ્રેમ ભેટ આપવામાં આવ્યું હતું. સમગ્ર કાર્યક્રમનું સંચાલન અસીમ ઉડાન ટ્રસ્ટના મહામંત્રી બાબુભાઈ ચાવડાએ કર્યું હતું.