જૂનાગઢ મનપામાં ભાજપે ઐતિહાસિક જીત મેળવી ઉજવણી કરી

જૂનાગઢ મહાનગર પાલિકાની ચૂંટણીમાં ભારતીય જનતા પાર્ટીએ ઐતિહાસીક વિજય મેળવ્યો છે. ભાજપે 59 બેઠકમાંથી 54 બેઠકો જીતી અને કેસરિયો લહેરાવ્યો છે. ભાજપે મહાનગર પાલિકામાં સત્તા મેળવી ત્યાર બાદ પ્રથમ વાર આટલી મોટી જીત મેળવી છે. ભાજપની જીતની ખુશીમાં શહેરમાં વિશાળ રેલી કાઢવામાં આવી હતી.

પરિણામો જાહેર થયા બાદ ભાજપના કાર્યકરોએ જૂનાગઢના પાર્ટી મુખ્યાલયે અબીલ ગુલાલ છાંટીને ઉજવણી કરી હતી

જૂનાગઢના પૂર્વ ડે. મેયર ગિરીશ કોટેચાએ જણાવ્યું હતું કે ભાજપ 50 બેઠક જીતશે તેવો પહેલાંથી જ વિશ્વાસ હતો

મેયર આધ્યાશક્તિ મજમુદારનો પણ પેનલ સાથે ભવ્ય વિજય થતા તેમણે ઉજવણી કરી હતી.

વર્ષ 2004માં જૂનાગઢ મ્યુનિસિપલ કોર્પોરેશનમાં ભાજપે 60માંથી 41 બેઠકો પર કબજો કર્યો હતો ત્યારબાદ ભાજપની આ સૌથી મોટી જીત છે.