Bharuch: અહીંના ખેડૂતોને હવે ગેસના બાટલાના ભાવની ચિતા નથી, જાણો શું કર્યું

Aarti Machhi, Bharuch: ભરૂચ જિલ્લાના ખેડૂતો ગેસને લઈ આત્મનિર્ભર બન્યા છે. સ્વચ્છ ભારત અભિયાન અંતર્ગત ગ્રામ્ય વિસ્તારોમાં નિ :શુલ્ક સ્વચ્છ અને ધુમાડાં રહિત વાતાવરણ માટે ફ્લેક્સી બાયોગેસ પ્લાન્ટ યોજના એક મહત્વની યોજના છે. બાયોગેસ પ્લાન્ટ થકી ગ્રામ્ય વિસ્તારના પશુ-છાણ તથા જૈવિક કચરાને વૈજ્ઞાનિક ઢબે નિકાલ કરી ગ્રામ્ય વિસ્તારોને વૈકલ્પિક ઉર્જા સ્વચ્છ વાતાવરણ, આરોગ્ય, રોજગારીનો એક સ્ત્રોત ઉદેશ્ય સર કરવાનું યોજનાનો મહત્વનો ઉદેશ્ય છે.

ભરૂચ જિલ્લાના વાલિયા અને નેત્રંગ તાલુકામાં સ્વચ્છ ભારત મિશન યોજના અંતર્ગત 200 જેટલા લાભાર્થીઓને લાભાર્થે બાયોગેસ પ્લાન્ટ યોજનાની શરૂઆત કરવામાં આવી છે. જેમાં ખેતી અને પશુપાલન વ્યવસાય સાથે સંકળાયેલા લાભાર્થીઓએ શરૂઆત કરી છે. અંતરિયાળ વિસ્તારમાં આવેલા ગામડાઓમાં પાયલોટ પ્રોજેકટ હેઠળ પાંચ ગામોમાં આવરી લેવામાં આવ્યા છે.

યોજના થકી રાંધણ ગેસ માટે આત્મનિર્ભર ખેડૂતો બની રહ્યા છે. ભરૂચ જિલ્લાના નેત્રંગ તાલુકાના અરેઠી ગામે ગોબરધન પ્લાટના ઇન્સ્ટોલેશનની કામગીરી જિલ્લા કો ઓડીનેટર અને આઇ.ઈ.સી કન્સનટન બી.સી અને સી.સી તેમજ એન્જિનિયર સુપરવાઇઝર દ્વારા શરૂ કરવામાં આવી હતી. ત્યારે ઇન્સ્ટોલેશનની કામગીરી બાદ લાભાર્થી ભાઈ – બહેનોએ પ્લાન્ટને કુમકુમ તિલક કર્યા હતા.

બાયોગેસ પ્લાન્ટ દ્વારા લાંબા સમય સુધી નિ:શુલ્ક કુદરતી ગેસ મળી રહેશે અને સ્લરીનો ઉપયોગ પણ ઓર્ગેનિક ખાતર તરીકે કરવામાં આવશે. ખાસ કરીને ગ્રામ્ય વિસ્તારોમાં આવા પ્લાનથી ખેડૂતની ખેતીની જમીનની ફળદ્રુપતા પણ વધશે. કુદરતી ગેસ સંપૂર્ણ સુરક્ષિત અને સલામત છે. સ્લરીનો એક લિટર દીઠ સારામાં સારો ભાવ પણ મળી રહેશે અને એનું વેચાણ પણ કરી શકાય.

કલ્સ્ટર આધારિત બાયોગેસ પ્રોજેક્ટ ગ્રામ્ય વિસ્તારોમાં રહેતા નાના સિમાંત ખેડૂતો, પશુપાલકો કે જેઓ 2થી વધુ પશુઓ ધરાવતા હોય, પોતાની માલિકીની જમીનમાં 80 સ્કવેર ફૂટ જગ્યા હોય અને રૂપિયા 5000 લોક ફાળો ભરવા તૈયાર હોય તેવા લાભાર્થીઓ યોજનાનો લાભ લઇ શકશે. જિલ્લા ગ્રામ વિકાસ એજન્સીમાંથી સ્વચ્છ ભારત મિશન (ગ્રામીણ) અંર્તગત આ યોજનાનો લાભ મેળવી શકાય છે.