Bharuch:  દક્ષિણ ગુજરાત બોડી બિલ્ડીંગ સ્પર્ધામાં ભરૂચના ત્રણ સ્પર્ધકો ઝળક્યા

<strong>Aarti Machhi, Bharuch: </strong>વલસાડમાં મિસ્ટર ગુજરાત બોડી બિલ્ડીંગ મેન્સ ફિઝિક્સ અને મેન્સ ક્લાસિક સ્પર્ધાનું આયોજન કરવામાં આવ્યું હતું. જેમાં દક્ષિણ ગુજરાતના સુરત,નવસારી,વ્યારા,વાપી અને ભરૂચ સહિતના જિલ્લાના બોર્ડ બિલ્ડરો ઉત્સાહ ભેર ભાગ લીધો હતો.

આ સ્પર્ધામાં ભરૂચ ફિટનેસ ફર્સ્ટ જીમના સંચાલક જીજ્ઞેશ રાજપૂતના માર્ગદર્શન હેઠળ જુનિયર બોડી બિલ્ડીંગના 55થી 60 કિલો ગ્રામ વજનના ગ્રુપમાં ધીરેન સોલંકી, અંકિત વસાવા અને સિનિયર બોડી બિલ્ડીંગ 70થી 75 કિલો ગ્રામ વજનના ગ્રુપમાં સોમેશ ઠાકોરએ ભાગ લીધો હતો.

જુનિયર બોડી બિલ્ડીંગના 55થી 60 કિલો ગ્રામ વજનના ગ્રુપમાં ધીરેન સોલંકીએ પ્રથમ ક્રમ અને અંકિત વસાવાએ દ્વિતીય ક્રમ હાંસલ કર્યો હતો. 

ત્યારે સિનિયર બોડી બિલ્ડીંગ 70થી 75 કિલો ગ્રામ વજનના ગ્રુપમાં સોમેશ ઠાકોરએ તૃતીય ક્રમ હાંસલ કરી ભરૂચ જિલ્લાનું નામ રાજ્ય કક્ષાએ રોશન કર્યું છે.

દક્ષિણ ગુજરાત કક્ષાની બોડી બિલ્ડીંગ સ્પર્ધામાં ભરૂચ શહેરના ત્રણ સ્પર્ધકો ઝળકતા ફિટનેસ ફર્સ્ટ જીમના સંચાલક અને ટ્રેનર જીજ્ઞેશ રાજપુતે તમામ વિજેતાઓને અભિનંદન પાઠવી રાજ્ય કક્ષાની અન્ય સ્પર્ધા માટે તનતોડ મહેનત કરે અને જિલ્લાનું રાજ્ય કક્ષા સાથે નેશનલ લેવલે તેમજ આંતરરાષ્ટ્રીય સ્તરે પણ ઝળકી જિલ્લાનું ગૌરવ વધારવા અભિનંદન પાઠવ્યા હતા.