Bharuch : મહિલાએ કોઠાસૂઝથી અઝોલા વિકસાવ્યું, પશુ આહાર અને ખાતરમાં ઉપયોગ થાય છે

Aarti Machhi, Bharuch : ડેડિયાપાડા તાલુકાનાં બોરીપીઠા ગામનાં શુક્રાબેન વસાવા ખેતી અને પશુપાલન વ્યવસાય સાથે જોડાયેલા છે. શુક્રાબેન પશુનાં આહારમાં અઝોલાનો ઉપયોગ કરે છે. અઝોલાથી પશુઓને પૈષ્ટિક આહાર મળી રહે છે. આ આહારથી દૂધનાં ઉત્પાદનમાં વધારો થયા છે.

તેમજ દૂધ ઘાટું અને ગુણવત્તાયુક્ત મળી રહે છે. તેમજ અઝોલા લીલા ખાતરની ગરજ સારે છે. ઝીરો બજેટમાં બધુ શકય બને છે અને પશુઓનાં આહારનો વિકલ્પ બન્યો છે.

અઝોલાએ ગાય, ભેંસ, મરઘા, બતકા, ડુક્કર, બકરા માટે સ્વાદિષ્ટ અને પૌષ્ટિક ખોરાક છે. ઓછો ખર્ચ થાય છે અને દૂધ વધુ ઉંત્પાદન છે. એટલું જ નહી આહારને આરોગ્ય વિભાગે સંપૂર્ણ આહાર જાહેર કર્યો છે.

અઝોલાએ માત્ર પશુ આહાર તરીકે જ નહીં પણ જમીનમાં ખાતર તરીકે પણ ઉપયોગમાં લઈ શકાય છે. ડાંગરની ક્યારીમાં અઝોલાનું વાવેતર કરવામાં આવે છે. અઝોલા સેવાળ, લીલી વનસ્પતિ હવામાંથી નાઈટ્રોજન પોતાના પાંદડામાં ઝીલીને સંગ્રહ કરીને ઉમેરો કરે છે.

જેથી 20 ટકા જેટલી ઉત્પાદનમાં વૃદ્ધિ થાય છે. ડાંગરમાં યુરિયાની જરૂરિયાત રહેતી નથી અને ઉત્પાદનમાં વધારો થઈ આવકની વૃદ્ધિ થાય છે. ઝીરો બજેટમાં ખેતી થાય છે. ઉનાળા, ચોમાસા, શિયાળાની ઋતુમાં લીલો ઘાસચારો મેળવવો મુશ્કેલ હોય ત્યારે ઘાસની અવેજીમાં પૂરક આહાર તરીકે અઝોલા ઘાસચારાની ખોટને પુરી કરે છે.

સાનુકૂળ જમીનમાં 10 મીટર x 5 મીટર x 2 ફૂટ ઊંડો ખાડો બનાવી 100 થી 150 માઈક્રોન જાડાઈના એલ.ડી.પી.ઈ. પ્લાસ્ટિકને ખાડામાં તથા તેની અંદરની ચારે બાજુની દીવાલ પર તથા પાળની ઉપરની બાજુએ વ્યવસ્થિત રીતે પાથરી ઉપજાઉ માટીને ખાડામાં પ્લાસ્ટિક ઉપર લગભગ 1 ફૂટ સુધી પાથરી દેવી. તેના ઉપર સપ્રમાણમાં છાણની રબડીનું પાતળું થર બનાવી ખાડાને આશરે 5 થી 15 સે.મી. જેટલો પાણીથી ભરવામાં આવે છે.

અઝોલાને સામાન્ય શબ્દોમાં કહીએ તો એક પ્રકારની લીલ છે. પાણીમાં થતી હંસરાજ પ્રકારની વનસ્પતિ છે. ઝડપી તૈયાર થતી વનસ્પતિ છે. પોષકતત્વોની દ્રષ્ટિએ ખુબ જ સમૃદ્ધ છે.