હવે 1300 રૂપિયામાં મળશે બુર્જ ખલિફા, આ ગોલો 16 લોકોથી પણ ખાધે નહીં ખુટે

Aarti Machhi, Bharuch : દુબઈમાં દુનિયાના સૌથી ઊંચા ટાવર એવા બુર્જ ખલિફાનું નામ બાળકોથી લઈ વયોવૃદ્ધ સૌ કોઈ માટે નવું નથી, પરંતુ જો બુર્જ ખલિફા આઈસ ગોલાનું નામ હોય તો નવાઈ સાથે હસવું પણ આવી જાય છે.

આ વાત કોઈ મજાક નથી. ભરૂચ જિલ્લામાં પાંચ સ્થળોએ બુર્જ ખલિફા જોવા મળે છે, જો કે તે ટાવર નથી પરંતુ ગોલા છે.

ભરૂચ જિલ્લામાં છેલ્લા 31 વર્ષ પહેલા વર્ષ 1992માં મઝિદભાઈ ભુવરએ તકદીર આઈસ ડીશ ગોલાની શરૂઆત કરી હતી. જે બાદ છેલ્લા પાંચ વર્ષથી તેમના પુત્ર ફૈઝલ ભુવરએ પિતાની આઈસ ડિશ ગોલાની લારીનો વ્યવસાય સંભાળ્યો હતો અને ફૈઝલભાઈએ 2 લારીમાંથી 5 આઈસ ગોલા ડિશ શોપ બનાવી છે.

જણાવી દઈએ કે, ફૈઝલ ભુવર મૂળ રાજકોટ જિલ્લાના જેતપુરના છે અને હાલ તેઓ કસક વિસ્તારમાં પરિવાર સાથે રહે છે. તેમના ચાર ભાઈઓ પણ આઈસ ડિશ ગોલાના વ્યવસાયમાં જોડાયેલા છે. ફૈઝલભાઈ ધોરણ-6 પાસ છે, આ સાથે વ્યવસાયિક ટ્રેડ એવા મિકેનિક પ્રેક્ટિકલમાં તાલીમ મેળવી છે.

તેમણે અન્ય વ્યવસાય કરતા પિતાના વ્યવસાયમાં જ ઝંપલાવી આગળ વધવાનું વિચાર્યું હતું. જણાવી દઈએ કે, તેઓની ભરૂચ શહેરમાં તકદીર આઈસ ડીશ ગોલા નામની પાંચ શાખા પોતાની મહેનત અને લગનથી ઊભી કરી છે.

આ આઈસ ડિશ ગોલાની પાંચ શાખા, જેમાં તુલસીધામ, કસક સર્કલ, લિંક રોડ પર એચડીએફસી બેંકની પાસે જ્યારે જંબુસર બાયપાસ રોડ પર તેમજ પાંચબત્તી સર્કલ નજીક તકદીર આઈસ ડીશ ગોલાની શોપ આવેલી છે. આ પાંચેય શોપ બપોરના 12 કલાકથી રાત્રિના 11.30 કલાક સુધી ખુલી રહી છે. ફૈઝલભાઈની પાંચેય ગોલાની શાખામાં 17 જેટલા કર્મચારીઓ કામ કરે છે. આ સાથે આઈસ ગોલાની દુકાનમાં તેઓના ચાર ભાઈઓ અને ભત્રીજાઓ પણ સેવા આપી રહ્યા છે.

તકદીર આઈસ ડિશ ગોલાની શોપ પર બનતા ઠંડા ઠંડા કુલ કુલ ગોલાની વાત કરીએ તો, આ ગોલામાં 30 રૂપિયાથી લઈને સૌથી વધુ 1300 રૂપિયાનો બુર્જ ખલિફા બિગેસ્ટ ટાવરનો સમાવેશ થાય છે. આ 24 ઇંચ ઊંચાઈ ધરાવતો ગોલો 16 લોકો ખાઈ શકે છે.

આ ગોલામાં કાજુ, બદામ, કિસમિસ, તુટીફુટી, જેમ્સ, ચેરી, અલગ અલગ પ્રકારની આઈસ્ક્રીમ, અલગ અલગ જાતની મલાઈ,રબડી, ક્રીમ, વિવિધ પ્રકારની ચોકલેટ, ફ્લેવર સહિતનો વપરાશ કરે છે. આ આઈસ ગોલાનો ભરૂચવાસીઓ સહિત વિદેશમાંથી આવતા લોકો પણ સ્વાદ માણી રહ્યા છે.

ફૈઝલ સ્ટીક ગોલા 30 રૂપિયાથી 50 વચ્ચે, પ્લેન આઈસ ડીશ 40 રૂપિયાથી 80 વચ્ચે, ડ્રાય ફ્રૂટ આઈસ ડીશમાં 100 રૂપિયાથી 120 રૂપિયા વચ્ચે, સ્પેશિયલ આઈસ ડીશ કિંમત 150 રૂપિયાથી 180, માવા મલાય ડ્રાય ફ્રૂટ આઈસ ડીશ 120 રૂપિયામાં વેચાણ કરે છે. ફૈઝલ બુર્જ ખલીફા બિગેસ્ટ ટાવર 24 ઇંચ 16 લોકો , બુર્જ ખલીફા બિગ ટાવર 18 ઇંચ 8 લોકો, બુર્જ ખલીફા મીની ટાવર 12 ઇંચ 4 લોકો ખાઈ શકે છે.

શું તમે પણ સમાજને ઉપયોગી કામગીરી કરી રહ્યાં છો? શું તમે એવું કામ કર્યું છે જેનાથી સમાજને પ્રેરણા મળી શકે છે? તમારી સફળતાની સ્ટોરી અન્ય લોકોને જણાવવા ઈચ્છો છો? તો આજે જ aartimachhi007@gmail.com પર સંપર્ક કરો.

આ ગોલાઓ ખાવા માટે લોકો લાંબી કતારો લગાવે છે.

અહિંયા માત્ર ભરૂચના જ નહીં, પરંતુ વિદેશી લોકો પણ ગોલાનો સ્વાદ માણવા આવે છે.

ગોલાની અલગ અલગ આઈટમે લોકોનું ધ્યાન ખેચ્યું છે.

ડાર્ક ગોલાની મોજ તો વાલા મોજ જ છે...

આ ગોલામાં અલગ અગલ વસ્તુંઓ નાખીને બનાવવામાં આવતો હોવાથી લોકોના ડાઢે ચોટ્યો.