Bharuch: ફ્લાય ઓવર બન્યો આકષર્ણનું કેન્દ્ર, ભરૂચ શહેરનાં જુઓ આ PHOTOS

Aarti Machhi, Bharuch: ભરૂચ શહેરને ગ્રીન, ક્લીન અને રહેવા લાયક બનાવવા જિલ્લા કલેકટર તુષાર સુમેરા દ્વારા માય લિવેબલ ભરૂચનું અભિયાન હાથ ધરાયુ છે. જેમાં વિવિધ સંસ્થાઓ, એનજીઓ અને શહેરીજનોની ભાગીદારી પણ જોડવામાં આવી રહી છે. શહેરની શોભામાં અભિવૃદ્ધિ કરવા સાથે જાહેર સ્થળો, ઇમારતોની દીવાલ નજીક લોકો કચરો ફેંકી ગંદકી ન ફેલાવે તે માટે મુહિમ શરૂ કરાઇ છે.

માય લીવેબલ ભરૂચ પહેલ હેઠળ ઝાડેશ્વર ચોકડી પાસે આવેલાં ફલાય ઓવરની દિવાલો પર મનમોહક પેઇન્ટિંગ તૈયાર કરવામાં આવ્યાં છે. લોકોમાં આકર્ષણનું કેન્દ્ર બન્યાં છે. દીવાલો ઉપર જન જાગૃતિ કેળવી શકાય તેવાં પેન્ટિંગ થકી મારું ભરૂચ શહેર સ્વચ્છ, સુંદર શહેર બનાવવાનો નમ્ર પ્રયાસ ખરેખર દીપી ઉઠ્યો છે. હાલ આ બ્રિજની દિવાલોની ગ્રાફિટીના વિડિયો, ફોટો લોકોના સોશ્યલ મીડિયા પ્લેટફોર્મ પર વાઇરલ થઈ રહ્યા છે.

આગામી સમયમાં તમામ સરકારી ઇમારતો અને જનભાગીદારીથી ખાનગી ઇમારતોની દીવાલો ઉપર પણ વિવિધ પેઈન્ટીંગ કરી તેને સુંદર અને રમણીય બનાવવામાં આવશે.

વોલ પેઈન્ટીંગમાં ભરૂચ સીટીઝન કાઉન્સિલ અને વહીવટી તંત્ર જોડાયું છે. જેમાં દીવાલો સુંદર ચિત્રોથી રંગવાનું કામ વડોદરા, અમદાવાદ અને ઇન્દોરની એજન્સીના કલાકારો કરી રહ્યાં છે.

ભરૂચ શહેર સ્વચ્છ, સાફ અને એકદમ સુંદર બને તે માટે આ મુહિમ ચાલી રહી છે. અભિયાન અંતર્ગત ભરૂચ શહેરની તમામ મોટી દીવાલો વોલ પેઇન્ટિંગનું ચેમ્પિયન ચલાવવામાં આવી રહ્યું છે.

વોલ પેઇન્ટિંગ એટલે જાહેર દિવાલો પર સુંદર ચિત્રો કે જે ત્યાથી પસાર થતા લોકો સારો મેસેજ અને સુંદર ચિત્રો જોઈ મન પ્રફુલિત થઈ જાય. જાહેરમાં કચરો ફેકતા અચકાય તેમજ લોકોમાં શિસ્તતા આવે તે માટે આ મુહિમ હાથ ધરવામાં આવી છે.