બનાસકાંઠામાં 530 ગ્રામપંચાયતમાં આવતીકાલે ચૂંટણી યોજાશે

આનંદ જયસ્વાલ બનાસકાંઠા: બનાસકાંઠા જિલ્લામાં આવતીકાલે યોજાનાર 530 ગ્રામ પંચાયતની ચૂંટણી ની તૈયારીઓને તંત્ર દ્વારા આખરી ઓપ આપી દેવાયો છે જેમાં 13.48 લાખ મતદારો મતદાન કરી તેમના ગામના ઉજ્જવળ ભવિષ્ય માટે સરપંચનીચુંટશે.

બનાસકાંઠા જિલ્લામાં આવતીકાલે 530 ગ્રામ પંચાયતોમાં ચૂંટણી યોજાવાની છે.જેના તંત્ર દ્વારા તડામાર તૈયારીઓ કરવામાં આવી છે. આજે વહેલી સવારથી અલગ અલગ તાલુકા મથકે ચૂંટણી અધિકારી દ્વારા કામગીરી હાથ ધરવામાં આવી હતી.

530 ગ્રામ પંચાયતોમાં સરપંચપદ માટે કુલ 1877 ઉમેદવારો મેદાનમાં છે,  જ્યારે સભ્યો માટે 4563 ઉમેદવારો વચ્ચે જંગ જામશે ગામ ના ઉજ્જવળ ભવિષ્ય માટે કુલ 13.48 લાખ મતદારો મતદાન કરી સરપંચ ને ચૂંટશે. જોકે આ વખતે બેલેટ પેપરથી મતદાન થવાનું હોવાથી 2766 બેલેટ બોક્સ ની પણ વ્યવસ્થા કરાઈ છે.

ચૂંટણીની કામગીરી માટે કુલ 9865 પુલિંગ સ્ટાફ ફરજ બજાવશે અને સમગ્ર સમગ્ર ચૂંટણી પ્રક્રિયા પર નજર રાખવા માટે કુલ 156 રૂટ પર જોનલ ઓફિસર નજર રાખશે.

આજે તમામ તાલુકા મથકે થી ચૂંટણી અધિકારી દ્વારા મતદાન બોક્ષ સાથે સ્ટાફને જે તે મતદાન મથકે રવાના કરાયો છે અને ચૂંટણી શાંતિપૂર્ણ માહોલમાં સંપન્ન થાય તે માટે તંત્રએ તૈયારીઓને આખરી ઓપ આપી દીધો છે .