Valentine Day 2023: શાળાનાં બાળકોએ માતા-પિતાનું પૂજન કરી વેલેન્ટાઈન ડે ઉજવ્યો, જુઓ PHOTOS

Nilesh Rana, Banaskantha: બનાસકાંઠાના ડીસામાં વેલેન્ટાઈન ડે ની અનોખી રીતે ઉજવણી કરવામાં આવી હતી. શાળાના બાળકોએ પશ્ચિમી સંસ્કૃતિનું આંધળુ અનુકરણ કરવાને બદલે આજે ભારતીય સંસ્કૃતિ મુજબ માતા-પિતાનું પૂજન કરી આશીર્વાદ મેળવી વેલેન્ટાઈન ડે ની ઉજવણી કરાઇ હતી.

અત્યારે લોકો પશ્ચિમની સંસ્કૃતિનું આંધળું અનુકરણ કરી રહ્યા છે અને આપણા ભારતીય સંસ્કૃતિ અને પરંપરાગત તહેવારોને બદલે પશ્ચિમી દેશોમાં ઉજવાતા વિવિધ ડે ની ઉજવણી કરે છે.ત્યારે આજે સમગ્ર દેશમાં લોકો વેલેન્ટાઇન ડે ઉજવણી કરવા આવી રહી છે.

ત્યારે આજે બનાસકાંઠાના ડીસાની આદર્શ હાઇસ્કુલના વિદ્યાર્થીઓએ આજે વેલેન્ટાઇન ડે ની અનોખી રીતે ઉજવણી કરી હતી.જેમાં ભારતીય સંસ્કૃતિની ઝલક જોવા મળી હતી.

આજે વિદ્યાર્થીઓએ શાળામાં સામુહિક રીતે માતા પિતાનું પૂજન કર્યું હતું.માતા-પિતા પર પ્રેમરૂપી પુષ્પો વરસાવી ફુલહાર પહેરાવી તેમના ચરણસ્પર્શ કરી આશીર્વાદ મેળવ્યા હતા.તો માતા-પિતાએ પણ પોતાના પ્રિય સંતાનો જીવનમાં ઉતરોતર પ્રગતિ કરે તે માટેના આશીર્વાદ આપ્યા હતા.

એક તરફ યુવા ધન પશ્ચિમી દેશો નું આંધળુ અનુકરણ કરી રહ્યા છે. ત્યારે ડીસામાં આદર્શ હાઈસ્કૂલના બાળકોએ આજે ભારતીય સંસ્કૃતિ અને પરંપરા મુજબ માતા-પિતાનુ પૂજન કરી વેલેન્ટાઈન ડે ની અનોખી રીતે ઉજવણી કરી હતી.આવા કાર્યક્રમો થકી શાળાના સંચાલકો અને બાળકો અન્ય લોકોને પણ આપણી ભારતીય સંસ્કૃતિ અને પરંપરા મુજબ ડે અને તહેવારોની ઉજવણી માટે અનોખો સંદેશ આપ્યો હતો.