Deesa: ચૌધરી સમાજની 5 હજાર બહેનોએ મા અર્બુદા માતાના નામની મહેંદી મુકી, ભક્તિ મય મોહોલ સર્જાયો, જુઓ Photos

Nilesh Rana, Banaskantha: બનાસકાંઠામાં મા અર્બુદા રજત જયંતિ મહોત્સવને લઈને સમગ્ર આજણા ચૌધરી પટેલ સમાજમાં અનેરો ઉત્સાહ જોવા મળી રહ્યો છે.

3 દિવસીય વિવિધ કાર્યોકર્મોમાં આજે ચૌધરી સમાજની 5 હજાર મહિલાઓ દ્વારા જેમ ઘરે પ્રસંગ હોય અને મહેંદી મૂકીને શણગાર સજ્તા હોય તે રીતે મહેંદી મૂકીને માતાજીના પ્રસંગની શરૂઆત કરી છે.

બનાસકાંઠાના પાલનપુરમાં આદર્શ વિદ્યાલય ખાતે આવેલા મા અર્બુદા માતાજીના મંદિરના 25 વર્ષ પૂર્ણ થતા જેમાં આજણા પટેલ કેળવણી મંડળ દ્વારા રજત જયંતિ મહોત્સવનુંઆયોજન કરવામાં આવી રહ્યું છે.તેને લઈને હાલ પાલનપુરના લાડાવાલા ગામે તમામ પ્રકારની તૈયારીઓ ચાલી રહી છે.

આ રજત જયંતિ મહોત્સવ માં 108 કુળદેવી સહસ્ત્ર ચંડી યજ્ઞનું પણ આયોજન કરવામાં આવ્યું છે. સૌથી મોટા યોજનારા આ યજ્ઞને લઈ આજણા પટેલ કેળવણી મંડળ દ્વારા તમામ તૈયારીઓને આખરી ઓપ આપવામાં આવી રહ્યો છે.

પાલનપુરના લાલાવાડા ગામ ખાતે મા અર્બુદા રજત જયંતિ મહોત્સવ શરૂ થઈ રહ્યો છે.જેમાં આજે ચૌધરી સમાજ વૃદ્ધો વડીલો યુવાનો બાળકો તેમજ મહિલાઓ માં અર્બુદા ના રજત જયંતિ મહોત્સવ ને લઈને ખૂબ જ ઉત્સાહી છે.

ત્યારે આજે મહિલાઓ દ્વારા જેમ ઘરે પ્રસંગ હોય અને મહેંદી મૂકીને શણગાર સજ્તા હોય તે રીતે આ માતાજીના પ્રસંગની શરૂઆતમાં આજે 5000 થી વધુ મહિલાઓએ મા અર્બુદાધામ પાલનપુર ખાતે એકઠા થઈ અને તમામ મહિલા ઓએ મહેંદી મૂકી અને માતાજીના ઉત્સવને આનંદભેર ઉજવવા માટે આનંદવિભોર થઈ હતી.

આ સમગ્ર ઉત્સવમાં જ્યારે દસ લાખ લોકો માના દર્શન માટે આવવાના છે. ત્યારે સમગ્ર તૈયારીઓ પૂર્ણ કરવામાં આવી છે. તેમજ આવતી કાલે વહેલી સવારે એક લાખ લોકો ની ઢોલ નગારા સાથે મા અર્બુદા માતાજીની ભવ્ય શોભાયાત્રા નીકળશે.