Banaskantha: બાઈવાડામાં જમીન વિવાદમાં એક જ પરિવારના પાંચ સભ્યો ઉપર છરી વડે હુમલો, બેના મોતથી પરિવારમાં આક્રંદ

બનસકાંઠાઃ જર જમીન અને જોરું ત્રણે કજીયાના છોરું આ કહેવત બનાસકાંઠા જિલ્લાના (Banasknatha news) ડીસાના (deesa) એક ગામમાં બનેલી ઘટનાથી સાચી પુરવાર થાય છે. ડીસાના બાઈવાડામાં જમીનના વિવાદમાં ખૂની ખેલ (Knife attack) ખેલાયાની ઘટના બની હતી. અહીં એક જ પરિવારના પાંચ સભ્યો ઉપર છરી વડે હુમલો કર્યો હતો.

જેના પગલે પાંચ સભ્યો ગંભીર રૂપથી ઘાયલ થતાં લોહીલુહાણ હાલતમાં તેમને હોસ્પિટલ ખસેડવામાં આવ્યા હતા. જ્યાં ફરજ પર હાજર ડોક્ટરોએ બે સભ્યોને મૃત જાહેર કરી લીધા હતા. જ્યારે ગંભીર રીતે ઈજાગ્રસ્ત ત્રણ લોકોને સારવાર અર્થે ખસેડવામાં આવ્યા હતા. આ અંગે જાણ થતાં જ પોલીસે કાર્યવાહી કરીને બે શંકાસ્પદ આરોપીને પકડી લીધા હતા.

ઘટના અંગે મળતી માહિતી પ્રમાણે બનાસકાંઠા જિલ્લાના ડીસાના બાઇવાડા ગામે એક માજીરાણા પરિવારમાં હિંચકારો હુમલો થયા હોવાની ઘટના સામે આવી છે. જેમાં છરી વડે હુમલો કરતાં એક જ પરિવારના પાંચ જેવા સભ્યો ગંભીર રીતે ઘાયલ થયા હતા.

ઘટનાના પગલે 108ની બે ટીમો ઘટનાસ્થળે પહોંચી ઇજાગ્રસ્તોને સારવાર અર્થ ડીસા હોસ્પિટલ તેમજ પાલનપુર હોસ્પિટલ ખાતે ખસેડવામાં આવ્યા હતા. પાલનપુર હોસ્પિટલમાં ખસેડવામાં આવેલા લોકો મહાવીર ચેલાભાઈ માજીરાણા, અંતરાબેન મહેશભાઈ માજીરાણા અને મહેશ ગણેશભાઈ માજીરાણાને હાલ સારવાર અપાઇ રહી છે. જેમાં એક પુરુષ અને એક મહિલાને ડોક્ટરે મૃત જાહેર કર્યાં છે.

સમગ્ર ઘટના પગલે ડીસા તાલુકા પોલીસે ઘટનાસ્થળે પહોંચી વધુ તપાસ હાથ ધરી છે. ઘટનાના પગલે બે સભ્યોના મોતથી સમગ્ર પરિવારમાં મોતનો માતમ છવાયો હતો. જ્યારે ઘટનાથી સમગ્ર વિસ્તારમાં ચકચાર મચી ગઈ હતી.