કાંકરેજમાં ભાજપનાં 20 કાર્યકરો કોંગ્રેસમાં જોડાયા, જગદીશ ઠાકોરે ખેસ પહેરાવ્યા

કિશોર તુવર, બનાસકાંઠા: કાંકરેજ વિધાનસભા બેઠક પરથી કોંગ્રેસમાંથી ચૂંટણી લડી રહેલા અમૃત ઠાકોરના સમર્થનમાં તેમના મોટાભાઈ અને ગુજરાત પ્રદેશ કોંગ્રેસના અધ્યક્ષ જગદીશ ઠાકોરે  જંગી જાહેર સભાને સંબોધી ભાજપ પર આકરા પ્રહારો કરી તેમના ભાઈ અમૃત ઠાકોરને જીતાડવા અપીલ કરી છે. આ સાથે આજે કાંકરેજના થરામાં પ્રદેશ કોંગ્રેસ પ્રમુખ જગદીશ ઠાકોરની સભામાં ભાજપના 20 જેટલા કાર્યકરો કોંગ્રેસમાં જોડાયા હતા. ભાજપના કાર્યકર્તાઓએ જગદીશ ઠાકોરના હસ્તે કોંગ્રેસનો ખેસ પહેરી કોંગ્રેસનો હાથ પકડ્યો હતો. (જગદીશ ઠાકોર અને ભાઇ અમૃત ઠાકોર)

ઠેર ઠેર પ્રદેશના નેતાઓ જનસભા કરી રહ્યા છે. ત્યારે બનાસકાંઠાના કાંકરેજ વિધાનસભા બેઠક પરથી મંત્રી કિર્તીસિંહ વાઘેલા સામે કોંગ્રેસમાંથી ચૂંટણી લડી રહેલા  પ્રદેશ કોંગ્રેસ અધ્યક્ષ જગદીશ ઠાકોરના નાનાભાઈ અમૃત ઠાકોરના  સમર્થનમાં આજે પ્રદેશ કોંગ્રેસ અધ્યક્ષ જગદીશ ઠાકોર કાંકરેજ પહોંચ્યા અને કાંકરેજ ખાતે તૈયાર થયેલા મધ્યસ્થ કાર્યાલયને ખુલ્લું મૂક્યું હતુ.

વિધાનસભાની ચૂંટણીઓને આડે હવે ગણતરીના દિવસો બાકી રહ્યા છે ત્યારે બનાસકાંઠા જિલ્લામાં ભાજપ અને  કોંગ્રેસ સીટો જીતવા એડીચોટીનું જોર લગાવી રહી છે .

તે બાદ  બાઈક રેલી યોજી સભા સ્થળે પહોંચ્યા અને મંત્રી કિર્તીસિંહ વાઘેલાના ગઢમાં જ જનસભા સંબોધી ત્યારે  સભામાં પહોંચેલી જન્મદિનનીને સંબોધતા જગદીશ ઠાકોરે ભાજપ પર આકરા પ્રહારો કર્યા હતા. 

તેમણે કોંગ્રેસે કરેલા કામો પણ ગણાવ્યા અને આગામી વિધાનસભાની ચૂંટણીમાં કાંકરેજથી તેમના નાના ભાઈ અમૃત ઠાકોરને જંગી બહુમતીથી જીતાડવા લોકોને હાકલ કરી છે.

પ્રદેશ અધ્યક્ષ ગુજરાત, જગદીશ ઠાકોરના જણાવ્યા પ્રમાણે, કોંગ્રેસની 125થી વધુ સીટો આવશે. ભાજપ જેલમાં કેદીઓ સાથે ગુપ્ત્ મિટિંગ કરી રહ્યા છે. કારમાંથી મળેલી રોકડ અંગે તેમણે જણાવ્યું હતુ કે, જેના રૂપિયા હોય તેને સજા મળવી જોઈએ.