બનાસકાંઠાઃ ફરી hit and run!બેસતા વર્ષે જ બાઈક અકસ્માતમાં બે પિતરાઈ ભાઈઓના મોત, ખુશી માતમમાં ફેરવાઈ

આનંદ જયસ્વાલ, બનાસકાંઠાઃ બનાસકાંઠામાં (Banaskantha)આજે શુક્રવારે સતત બીજા એન્ડ રનની (Hit and run) ઘટના સામે આવે છે. સુઈગામ પાસે અજાણ્યા વાહનની અડફેટે બાઇક (bike accident) આવી જતાં ગોઝારો અકસ્માત સર્જાયો હતો. આ અકસ્માતમાં બાઇક સવાર બે પિતરાઇ ભાઇઓના (cousin brother death) મોત નીપજ્યા હતા.

બનાસકાંઠાના સરહદી વિસ્તાર એવા સુઈગામ પાસે આજે મોડી સાંજે અજાણા વાહનની અડફેટે બાઈક આવી જતાં અકસ્માત સર્જાયો હતો. ગોલગામ ખાતે રહેતા ત્રણ યુવકો બાઈક લઈને સુઈગામ હાઈવે પરથી પસાર થઈ જતા તે સમયે કોઈ અજાણ્યા વાહન ચાલકે બાઈકને  અડફેટે લેતા અકસ્માત સર્જાયો હતો.

અકસ્માતમાં બાઇક સવાર ત્રણેય યુવકો રોડ પર પટકાતા ગંભીર ઇજા પહોંચી હતી જેથી બે પિતરાઈ ભાઈઓ મુકેશ આસોલ અને વિક્રમ આસોલ ના ઘટના સ્થળે જ કરૂણ મોત નિપજ્યા હતા જ્યારે અન્ય એક યુવકને ગંભીર ઈજા પહોંચતા આજુબાજુના લોકોએ ઈજાગ્રસ્ત યુવકને સારવાર માટે નજીકની હોસ્પિટલ ખાતે ખસેડાયો હતો.

ઘટના અંગેની જાણ થતાં જ સુઈગામ પોલીસ પણ અકસ્માત સ્થળે આવી પહોંચી હતી અને બંને મૃતકોની લાશને પીએમ અર્થે સરકારી હોસ્પિટલમાં ખસેડી હતી. અકસ્માત બાદ ફરાર થઈ ગયેલ વાહનચાલક સામે ગુનો નોંધી આગળની કાર્યવાહી હાથ ધરી છે.

આજે બેસતા વર્ષના દિવસે બે પિતરાઇ ભાઇઓના મોત થતાં પરિવારમાં માતમ છવાયો હતો. ઉલ્લેખનીય છે કે પાછલા બે દિવસમાં બનાસકાંઠામાં આશરે ત્રણથી વધારે હિટ એન્ડ રનની ઘટનાઓ બની હતી. જેમાં 5થી વધારે લોકો અકસ્માતમાં મોતને ભેટ્યા હતા.