બનાસકાંઠામાં મેઘરાજાની તોફાની બેટિંગ, દાંતીવાડામાં બે કલાકમાં સાડા પાંચ ઇંચથી વધારે ખાબક્યો

આનંદ જયસ્વાલ, બનાસકાંઠા: બનાસકાંઠા (Banaskantha news) જિલ્લામાં છેલ્લા 2 કલાકમાં અનેક વિસ્તારોમાં વરસાદે જોરદાર (heavy rain in banaskantha) સપાટો બોલાવ્યો હતો.જેમાં દાંતીવાડામાં (heavy rain in dantivada) સાંજના સમારે 6 થી 8 વાગ્યાના સમયમાં 137 મિમી વરસાદ ખાબકતા સર્વત્ર જળબમ્બાકાર જેવી સ્થિતિ સર્જાઈ હતી.

બનાસકાંઠા જિલ્લામાં આમ તો ખૂબ જ મોડો વરસાદ થયો છે. ખૂબ જ રાહ જોવડાવ્યા બાદ એક મહિના પછી પણ સિઝનમાં માત્ર 50 ટકા જેટલો વરસાદ નોંધાયો હતો. તે દરમિયાન આજે મોડી સાંજે અચાનક જોરદાર વાવાઝોડા અને ભારે પવન સાથે અનેક વિસ્તારોમાં  વરસાદી ઝાપટા પડ્યા હતા.

દિવસ દરમિયાન ભારે ઉકળાટ બાદ મોડી સાંજે અચાનક વરસાદ ખાબકતા 6 થી 8 ના સમય ગાળા માં દાંતીવાડામાં 137 મિમી, વડગામમાં 30 મિમી ધાનેરમાં 49 મિમી, ડીસામાં 07 મિમી પાલનપુર 06 મિમી વરસાદ નોંધાયો હતો.

વડગામમાં માત્ર બે કલાકમાં જ આઠ ઈંચ જેટલો વરસાદ ખાબકતાં સર્વત્ર જળબંબાકાર જેવી સ્થિતિ સર્જાઈ હતી અનેક જગ્યાએ નીચાણવાળા વિસ્તારોમાં પાણી ભરાતા લોકો અને વાહનચાલકોને ભારે હાલાકીનો સામનો કરવો પડ્યો હતો.

જોકે બીજી તરફ વરસાદ થતા ખેડૂતોમાં ખુશીનો માહોલ છવાયો હતો અને નીંચા ગયેલ પાણીના તળ ઊંચા આવવાની આશા જાગી છે.