Banaskantha: બનાસકાંઠાની રાજારામ ગૌશાળામાં લંમ્પી ગ્રસ્ત ગાયો માટે અલગ હોસ્પિટલ બનાવાઈ; આટલી ગાયોને મળી શકેશે સારવાર

Nilesh rana, Banaskantha: બનાસકાંઠામાં છેલ્લા ઘણા સમયથી પશુઓમાં આવેલાલંમ્પી વાયરસના કારણે અનેક ગાયોના મૃત્યુ થયા છે.જેના કારણે ગાયોની સારવાર થઈ શકે અને બીજી ગાયોને વાયરસ ન લાગે તેવી ખાસ વ્યવસ્થા કરવામાં આવી છે.

ત્યારે ટેટોડા ખાતે આવેલા રાજારામ ગૌશાળામાં ડીસાના જાણીતા બિલ્ડર અને જીવદયાપ્રેમી પી.એન માળી દ્વારા માત્ર પાંચ દિવસમાં જ લંમ્પી વાયરસ માટે અલગ હોસ્પિટલ ઊભી કરી દીધી હતી. આ ગૌશાળામાં અમદાવાદથી 120થી વધુ લંપી વાયરસગ્રસ્ત ગાયોને સારવાર માટે લાવવામાં આવી હતી.ઉપરાંત જિલ્લામાંથી પણ અનેક લંંમ્પી વાયરસ ગ્રસ્ત ગાયોને પણ સારવાર આપવા માટે લાવવામાં આવી હતી.

લંમ્પીગ્રસ્ત હોસ્પિટલના ઉદ્ઘાટન પ્રસંગે જિલ્લા કલેકટર આનંદ પટેલ હાજર રહ્યા હતા અને તેમને જણાવ્યું હતું કે સેવાકીય પ્રવૃતિમાં બનાસકાંઠા હંમેશા અગ્રેસર રહ્યું છે જેમાં માનવસેવા હોય કે જીવદયા હોય કે કોઈ કુદરતી આફત હોય ત્યારે આજે લંમ્પીગ્રસ્ત પશુઓ માટે દાતા દ્વારા બનાવવામાં આવેલ આ હોસ્પિટલ ખરેખર સહાનીય કામગીરી છે અને દાતા પી.એન માળીને અભિનંદન પાઠવી આભાર માનવામાં આવ્યો હતો.

દાતા પી.એન માળીએ જણાવ્યું હતું કે તેમને પાંચ દિવસ પહેલા રાજારામ ગૌશાળાની મુલાકાત લીધી હતીઅને જે દરમિયાન ટ્રસ્ટીઓ દ્વારા જે સૂચન મૂકવામાં આવી હતી તેનુંપાલન કરી માત્ર પાંચ દિવસમાં જ અલગ હોસ્પિટલ ઉભી કરી છેઅને જેનો તમામ ખર્ચ દાતાએ ભોગવ્યું છે.

આજે ઉદ્ઘાટન પ્રસંગે ભોજન પ્રસાદનું પણ આયોજન તેમના પરિવાર દ્વારા કરવામાં આવ્યું હતું.આ લંમ્પી વાયરસ પશુઓ માટે બનાવેલ હોસ્પિટલ પ્રસંગે ગૌશાળા ના સંચાલક રામ રતનજી મહારાજ, ગૌશાળાના ટ્રસ્ટીઓ, ગૌભક્તો સહિત જિલ્લાભરમાંથી હજારોની સંખ્યામાં લોકો ઉપસ્થિત રહ્યા હતા.