ચિરાગ ત્રિવેદી, ભાવનગર : ભારતીય વાયુ સેનાના સાઉથ વેસ્ટર્ન એર કમાન્ડના હેલિકોપ્ટરમાં ટેકનિક ખામી થતા ભાવનગર પાસેના ખેતરમાં ઈમરજન્સી લેન્ડીંગ કરવું પડ્યું હતું. આ હેલિકોપ્ટર સુરતથી જામનગર તરફ જઈ રહ્યું હતું. તે દરમિયાન ટેકનિકલ ખામી સર્જાતા ખેતરમાં જ ઈમરજનસી લેન્ડીંગ કરવું પડ્યું હતું. હેલિકોપ્ટરમાં રહેલા ક્રુ મેમ્બર સુરક્ષિત હોવાનું જાણવા મળી રહ્યું છે. ગામના ખેતરમાં હેલિકોપ્ટરનું ઈમરજન્સી લેન્ડીંગ થતાં ખેડૂતોમાં કૂતુહલ સર્જાયું છે.
ભાવનગરના કુકડ ગામનાં એક ખેતરમાં ભારતીય વાયુ સેનાનાં સાઉથ વેસ્ટર્ન એર કમાન્ડનાં હેલિકોપ્ટનું ઇમરજન્સી લેન્ડિંગ થયું હતું. આ હેલિકોપ્ટરમાં ટેક્નિકલ ખામી સર્જાતા તેને તાત્કાલિક ખેતરમાં ઉતારવું પડ્યું હતું. હેલિકોપ્ટરની અંદરનાં સભ્યો સુરક્ષિત છે. આ ઘટનાને કારણે સ્થાનિકોમાં થોડી ચિંતા વ્યાપી હતી. આસપાસનાં લોકો અવાજ આવતા ત્યાં શુ થઇ રહ્યું છે તે જોવા આવી ગયા હતાં. આ ખબરની જાણ થતાં તરત જ પોલીસ અને મામલતદાર સ્થળ પર દોડી આવ્યા હતા.
આ ઘટનાને પગલે કુકડ ગામના સરપંચ સ્થળ પર હાજર થયા હતા. આ હેલિકોપ્ટર સુરતથી જામનગર તરફ જઈ રહ્યું હતું.
