અમદાવાદઃ ચાર રસ્તા ઉપર દંડ વસૂલતી ટ્રાફિક પોલીસ બેનરો સાથે જોવા મળી, જોઈને લોકો ચોંકી ગયા

નવીન ઝા, અમદાવાદઃ સામાન્ય રીતે અમદાવાદ ટ્રાફિક પોલીસને (Ahmedabad Traffic police) લઈ કોઈ દંડની કાર્યવાહી અથવા ટ્રાફિક પોલીસ દ્વારા કરવામાં આવતું કામને લઈ જાહેરનામું (notification) બહાર આવતું હોય છે. પરંતુ અમદાવાદમાં ટ્રાફિક પોલીસે હાથમાં બેનર (Banner) લઈને ઉભી હતી અને જેને જોઈને લોકો પણ ચોંકી ગયા કારણ કે તે લોકો દંડ નથી લઈ રહયા હતા.

ચાર રસ્તાઓ ઉપર આ બેનર જોઈને લોકોની નજર પણ ત્યાંજ હતી અને લોકો પણ વિચારતા થઈ ગયા હતા કે આ શુ થઈ રહ્યું છે પરંતુ પોલીસે ટ્રાફિક જાગૃતતાને લઈ એક અભિયાન કરી રહી છે અને જેમાં આ કામગીરી કરવામાં આવી રહી છે.

ટ્રાફિક પોલીસે જે બેનરો હાથ માં લીધા હતા તેમાં અલગ અલગ વસ્તુઓ લખી હતી જેમકે 3 સવારી જોખમી છે. હેલ્મેટ પેહરવું ફરજિયાત છે,સીટ બેલ્ટ વગર કાર ચલાવવી ના જોઈએ,રેડ સિંગલ નો ભંગ કરવો એ ગુનો બને છે અને ચાર રસ્તા ઉપર ગેરકાયદેસર દબાણ ઉભી કરવું એ પણ ગુનો છે જેવા લખાણો લખેલા હતા.

મહત્વની વાતએ છે કે ટ્રાફિક પોલીસ દ્વારા અવાર નવાર ડ્રાઈવ પણ કરવામાં આવે છે અને હાલમાં dgp દ્વારા એક પરિપત્ર બહાર પાડી 10 દિવસ જેટલું ટ્રાફિક ડ્રાઈવ યોજવામાં આવેલ અને જેમાં સીટ બેલ્ટ અને હેલ્મેટ વગર ગાડી ચલાવતા લોકો સામે કાર્યવાહી કરવામાં આવી હતી અને પોલીસે 23 લાખથી વધુનો દંડ વસુલ કરી લીધો હતો.

જોકે આ અભિયાન લોકોમાં ટ્રાફિક વિશે જાગૃતિ લાવવાનો છે અને વાહન ચાલકો આ વસ્તુ થી શુ શીખ લે છે તે પણ જોવાનું છે. જોકે ટ્રાફિક પોલીસ અલગ અલગ રીતે વાહન ચાલકો ને ટ્રાફિક વિશે જ્ઞાન આપતી હોય છે ભવિષ્યમાં પણ આ મુહિમ ચાલુ રહેવાની વાત અધિકારીઓ કહી રહ્યા છે.