Ahmedabad: જળ, વાયુ અને પર્વતના સમન્વયને દર્શાવતી અદ્ભુત પેઈન્ટિંગ રજૂ કરાઈ; PHOTOS

Parth Patel, Ahmedabad: ઘણા લોકો પર્વતીય પ્રદેશમાં ફરવા ગયા હશે અને તેને કેમેરામાં કંડાર્યા પણ હશે. પરંતુ આ આર્ટિસ્ટે અમદાવાદની ગુફા ખાતે અંતર જ્યોત રિવેલેશન્સ ઓફ ધ લાઈટ વિધિન આધારિત 54 પેઈન્ટિંગ વોટરકલરમાં રજૂ કર્યા છે. તેમણે કુદરતી દ્રશ્ય, પર્વતીય પ્રદેશ, મેદાની પ્રદેશ જેવા વિસ્તારો પેઇન્ટિંગમાં રજૂ કર્યા છે.

જેસલ બેન દલાલ સાથે વાત કરતા જણાવ્યું હતું કે તેમને બાળપણથી જ ડ્રોઈંગ અને પેઈન્ટિંગનો શોખ હતો. ધોરણ 10 પાસ કર્યા બાદ ઓઇલ પેઇન્ટિંગની તાલીમ લીધી.

ત્યારબાદ ફેબ્રિક પેઈન્ટિંગની પણ તાલીમ લીધી. એ પછી કોલેજ અને કેટલીક જગ્યાએ નોકરી કરી. તેમના લગ્ન થતા પરીવાર અને બાળકોમાં તેઓ વ્યસ્ત થઈ ગયા અને પેઇન્ટિંગની કળા અધુરી રહી ગઈ.

20 વર્ષ પછી 2010માં ફરીથી ઓઇલ પેઇન્ટિંગ અને ડ્રોઈંગની શરૂઆત કરી. સાથે સાથે પેન ડ્રોઈંગ, ડ્રાય પેસ્ટલ, એક્રેલિક પેઇન્ટિંગની પણ તાલીમ લીધી. ત્યારબાદ નટુભાઈ પરીખ અને ભાવેશભાઈ ઝાલા પાસેથી પદ્ધતિસર વોટરકલરની તાલીમ લીધી.

 શરૂઆતમાં લેન્ડસ્કેપ, ફ્લાવર અને ઓબ્જેક્ટિવ પેઇન્ટિંગ કર્યા. પરંતુ પશ્ચિમી આર્ટિસ્ટના પેઈન્ટિંગ જોયા એમાંથી ધ ગ્રેટ આર્ટિસ્ટ ટર્નરથી પ્રભાવિત થઈ વોશ ટેકનિક પર જાતે એક્સપરિમેન્ટ ચાલુ કર્યા.

વધુમાં જણાવતા કહ્યું કે તેમણે તેમની જાતને ચેલેન્જ કરવી હતી એટલે તેમણે સ્કેલ અને વોલ્યુમને લઈને આ કામ કર્યું છે. જો કે અગાઉ તેમણે આટલા મોટા સ્કેલ પર ક્યારેય ચિત્રો કર્યા નથી. તેઓ નેચર લવર છે એટલે સ્કાયને સબજેક્ટ તરીકે પસંદ કરી તેના આધારિત કામ શરૂ કર્યું. ત્યારબાદ વોટર વિષય પર કામ શરૂ કર્યું. ખાસ કરીને તેમણે સમય અને ઋતુ પ્રમાણે એક્સપ્રેશનને કાગળ પર દર્શાવ્યા છે.