અનોખી પહેલ: વિધાર્થીઓને વિજ્ઞાન તરફ વળવા અમદાવાદની સરકારી શાળાએ બનાવી સાયન્સ લેબ

સંજય ટાંક, અમદાવાદ: શહેરના છેવાડે આવેલા રોપડા ગામ (Ropda village)માં વિદ્યાર્થીઓને વિજ્ઞાનમાં રૂચિ વધે તે હેતુથી જિલ્લા પંચાયત હસ્તકની સરકારી પ્રાથમિક શાળા (Government school)એ અનોખી પહેલ કરી છે. આ શાળાના આચાર્ય દ્વારા લાખો રૂપિયાના ખર્ચે સાયન્સ ક્ષીતિજ લેબ (Science Lab) તૈયાર કરવામા આવી છે. પ્રાથમિક શાળામાં વિજ્ઞાન વિચાર સાથે સમન્વય સાધીને વિદ્યાર્થીઓનો સર્વાગી વિકાસ થાય તે હેતુથી આ લેબને તૈયાર કરવામા આવી છે.

અમદાવાદ: શહેરના છેવાડે આવેલા રોપડા ગામ (Ropda village)માં વિદ્યાર્થીઓને વિજ્ઞાનમાં રૂચિ વધે તે હેતુથી જિલ્લા પંચાયત હસ્તકની સરકારી પ્રાથમિક શાળા (Government school)એ અનોખી પહેલ કરી છે. આ શાળાના આચાર્ય દ્વારા લાખો રૂપિયાના ખર્ચે સાયન્સ ક્ષીતિજ લેબ (Science Lab) તૈયાર કરવામા આવી છે. પ્રાથમિક શાળામાં વિજ્ઞાન વિચાર સાથે સમન્વય સાધીને વિદ્યાર્થીઓનો સર્વાગી વિકાસ થાય તે હેતુથી આ લેબને તૈયાર કરવામા આવી છે.

xવિદ્યાર્થીઓ સ્વગતિએ આગળ વધી શકશે: શાળાના વિદ્યાર્થીઓ વિજ્ઞાનમાં અઘરી લાગતી બાબતો અને પ્રશ્નોની માહિતી આ લેબમાં પ્રાયોગિક માધ્યમથી મેળવી શકશે. વિધાર્થીઓ પોતાની જાતે જ રોબોટિક્સ, મિકેનિકલ, ઇલેક્ટ્રોનિક્સ અને ફિઝિકલ કોડીંગ પણ શીખી પોતાની સ્વગતિએ આગળ વધી શકશે તે પ્રમાણે આ લેબને તૈયાર કરાઇ છે. જેનો લાભ વિદ્યાર્થીઓ વેકેશનમાં પણ લઇ રહ્યા છે.

શાળાના આચાર્ય નિશિથ આચાર્ય (Nishith Acharya)નું કહેવું છે કે આ લેબ માત્ર પ્રાથમિક શાળાના વિદ્યાર્થીઓ માટે જ નહીં, ગામમાંથી અભ્યાસ કરતા કોઈ પણ વિધાર્થીઓ માટે ઉપયોગી રહેશે અને તેઓને આગળ વિજ્ઞાન વિષય શીખવા સમજવા માટે ઉપયોગી થશે. આ શાળાના શિક્ષકો અને વિદ્યાર્થીઓને સમયાંતરે લેબ ટેક્નીશિયન દ્વારા તાલીમ પણ આપવામાં આવશે.

ગામનો કોઈ પણ વિદ્યાર્થી લેબનો ઉપયોગ કરી શકશે : આચાર્યએ વધુમાં જણાવ્યું હતું કે, બાળકોને વિજ્ઞાનમાં રસ-રુચિ કેળવાય તે માટે પણ અમે વિશેષ પ્રયત્નો કર્યા છે. આ લેબનો મહત્તમ ઉપયોગ કરી ગામના-શાળાના વિદ્યાર્થીઓ આગળ વધે અને પોતાનું તથા ગામનું નામ રોશન કરી આગળ વધે તે એક જ ધ્યેય છે. શાળાના સમય બાદ પણ ગામનો કોઈ પણ વિદ્યાર્થી આ લેબનો ઉપયોગ કરી શકે તેવી વ્યવસ્થા કરવામા આવી છે. દસક્રોઇ તાલુકાનુ આ પ્રથમ ગામ છે જ્યાં આ પ્રકારની ચાર લાખ રૂપિયાના ખર્ચે સાયન્સ લેબને તૈયાર કરવામા આવી હોય. જે જે ગામમાં સાક્ષરતાનો દર ઓછો છે ત્યાં આ પ્રકારની લેબ તૈયાર કરવામા આવે તો વિદ્યાર્થીઓમાં અભ્યાસની રૂચિ વધશે તેમાં કોઇ શંકા નથી.