PSM @100: પ્રમુખ સ્વામી શતાબ્દી મહોત્સવમાં હાથની વિવિધ મુદ્રાઓ આકર્ષણનું કેન્દ્ર, જાણો દરેક મુદ્રાનો સંદેશ

બંને હાથ જોડતી મુદ્રા - પ્રમુખ સ્વામી હંમેશા વિન્રમ રહેતા અને બંને હાથ જોડાયેલી મુદ્રા પણ શતાબ્દી મહોત્સવમાં આવતા લોકોને વિન્રમ રહેવા સંદેશો આપી રહી છે.

એકબીજાના હાથ પકડેલી મુદ્રા - પ્રમુખ સ્વામી હંમેશા તમામને સાથે લઈ ચાલતા. આ મુદ્રા હરિભક્તોને પ્રેરણા આપે છે કે, નાના મોટા તમામ લોકોને સાથે લઈને ચાલવું.

પત્ર લખતી મુદ્રા - પ્રમુખસ્વામી મહારાજે પોતાના જીવનકાળ દરમિયાન સાડા સાત લાખથી પણ વધારે પત્રો લખ્યા હતા અને દરેકની સમસ્યાઓનું સમાધાન આપ્યું હતું. તેમજ માર્ગદર્શન પણ આપ્યું હતું.

હાથમાં માળા જપતી મુદ્રા - પ્રમુખસ્વામી મહારાજના હાથમાં હંમેશા માળા રહેતી હતી અને તેઓ અવિરત ભક્તિમાં રહેતા હતા. આજે પણ અહીં તેમની ભક્તિના દર્શન થાય છે.

હાથમાં કળશની મુદ્રા - પ્રમુખ સ્વામી મહારાજે 1100થી વધારે મંદિરોની જે સૃષ્ટિ રચી છે તેમાં વિધિપૂર્વક મંદિરોનો પ્રતિષ્ઠા વિકાસ થયો છે તેના આ મુદ્રામાં દર્શન થાય છે.

પ્રમુખ સ્વામીનગરમાં પ્રમુખ સ્વામીના હાથની મુદ્રાઓ હરિભક્તો માટે આકર્ષણનું કેન્દ્ર બની છે. પ્રમુખ સ્વામીની 45 ફૂટ ઊંચી પ્રતિમાની ચારેબાજુ 9 જેટલી હાથની વિવિધ મુદ્રાઓ બામ્બુ આર્ટમાંથી તૈયાર કરવામાં આવી છે.

આ વિવિધ મુદ્રાઓ બંગાળના હરિભક્તો અને સંતોએ બનાવી છે. આ મુદ્રાઓ બનાવવા માટે અંદાજે એકાદ વર્ષનો સમય લાગ્યો હતો. ઉલ્લેખનીય છે કે, તેઓ આ કળામાં નિષ્ણાંત નથી છતાં પણ તેમણે પૂરેપૂરી મહેનતથી આ મુદ્રાઓ તૈયાર કરી છે.