પાન મસાલા રસિકો માટે Big News: પાન મસાલા હવેથી પાર્સલમાં જ મળશે, Live દુકાનમાં નહીં ખાઇ શકાય

અમદાવાદ, પ્રણવ પટેલ : કોવિડ -૧૯ મહામારી વચ્ચે પાન-મસાલા અને પાન પાર્લર દુકાનો બંધ રખાઇ હતી. પરંતુ, અનલોક - ૧ અને ૨મા અનેક શરતો સાથે પાન પાર્લર ખુલા રાખવાનો નિર્ણય લેવાયો હતો. પરંતુ પાન મસાલા ખાનાર રસિકોએ નિયમનું ઉલ્લંઘન કરતા નજરે પડ્યા હતા.

જેના પગલે એએમસી અને સરકાર દ્વારા પાન મસાલા પાર્લર પર કડક પગલા લેવાની શરૂઆત કરાઇ હતી. જે અંતર્ગત અમદાવાદ મ્યુનિસિપલ કોર્પોરેશન દ્વારા પાન ગલ્લા પર તવાઇ બોલાવી હતી, અને છેલ્લા ચાર દિવસના ૬૦૦થી વધુ પાન પાર્લર સીલ કરાયા હતા.

ગુજરાત પાન-ગલ્લા શોપ ઓનર્સ એસોસિયેશન પ્રમુખ સંજય જોશીએ સીએમ વિજય રૂપાણીને પત્ર લખી જણાવ્યુ હતુ કે, આવતીકાલથી ગુજરાતમા પાન ગલ્લા પરથી લાઇવ પાન મસાલા નહી બંને. આ ઉપરાંત પાન મસાલાની પાર્સલ સેવા જ રહેશે. કારણ કે, જે રીતે છેલ્લા ચાર દિવસથી એએમસી કાર્યવાહી કરી છે, જેથી પાન ગલ્લા માલિકોને મોટું નુકશાન થયું છે. એએમસી દ્વારા ૧૦ હજાર દંડની જોગવાઇ કરાઇ છે, જે ખરેખર અયોગ્ય છે. પરંતુ તમામ પાન ગલ્લા માલિકો સાથે વાતચિત કરી આ નિર્ણય પર પહોંચ્યા છીએ.

વધુ જોષીએ સીએમ પત્ર લખતા જણાવ્યુ હતુ કે, કોવિડ -૧૯ મહામારી સામે લડવા માટે સરકાર સાથે પાન મસાલા શોપ ઓનર્સ એશોસિયશન છે. સરકાર સરળતા અને લોકોમા કોરોના જાગૃતિ વધે તે માટે નિર્ણય લેવાય છે. સરકાર પણ પાન મસાલા માલિકો સામે દંડનાત્મક કાર્યવાહી ઘટાડવી જોઇએ.

આનંદનગર વિસ્તારમાં આવેલા નવરંગ પાન પાર્લરના માલિક નટવરભાઇ જાદવ પણ એસોસિયેશન નિર્ણય સમર્થન આપતા કહે છે. આ નિર્ણયથી અમારા ગ્રાહકો ઘટશે. પરંતુ લોકોના સ્વાસ્થ્ય ધ્યાનમાં રાખી આ નિર્ણય લેનાયો છે. ગ્રાહકોને પણ અપીલ કરી છીએ કે, અહીં તેવો આવે અને પાન મસાલા લઇ જતા રહે.