અમદાવાદનો વિચિત્ર કિસ્સો! જીવતા બનેવીનું facebook ઉપર બેસણું હોવાનો સાળાએ લખ્યો મેસેજ, થઈ જોવા જેવી

હર્મેશ સુખડિયા, અમદાવાદ: એક ખાનગી ટીવી ચેનલમાં કોમેડી સિરિયલ આવે છે. અને તેમાં એક કલાકાર તેના સાળાથી કંટાળી ગયો હોય છે, કારણકે તેનો સાળો કાયમ બનેવીના રૂપિયે જલસો કરી જતો હોય છે. આવી જ કંઈક લાગતી ઘટના અમદાવાદ શહેરમાં (Ahmedabad city) બની છે. 40 વર્ષીય યુવકને તેની પત્ની સાથે ઝગડો થતા તે પિયરમાં જતી રહી હતી બાદમાં તેના સાળાએ ફેસબુક (facebook) પર તેના બનેવીના બેસણાનો (Besana) મેસેજ કર્યો હતો. યુવકના મિત્રને જાણ થતા તેને આ યુવકને જણાવ્યું અને યુવકે સાળાને ઠપકો આપતા તેને માર મારી લોહીલુહાણ કરી નાખ્યો હતો.

સરખેજમાં રહેતા હિતેશ કુમાર નાયક છૂટક મજૂરીકામ કરે છે. તેમના લગ્ન વર્ષ 2006માં થયા હતા. પરંતુ થોડા દિવસ પહેલા પત્ની સાથે બોલાચાલી થતા તેમની પત્ની સાથે સાણંદ ખાતે આવેલા તેના પિયરમાં જતી રહી હતી. તેજસ કુમારના સાસુ અને સાળો રાહુલ નાયક સાણંદ નળ સરોવર રોડ પર આવેલા ઔડાના મકાનમાં રહે છે.

ગઈકાલે બપોરે તેજસ કુમારના મિત્રનો તેમની પર ફોન આવ્યો હતો અને જણાવ્યું હતું કે તેમના સાળા રાહુલ નાયક કે "ફેસબુકમાં તું મરી ગયેલો છે અને તેનું બેસણુ" એવો મેસેજ કર્યો હતો. રાત્રે તેઓ તેમના મિત્ર સાથે સરખેજ રેલવે સ્ટેશનની સામે બેઠા હતા ત્યારે તેમનો સાળો તેની માતા સાથે બાઈક પર નીકળ્યો હતો. (પ્રતિકાત્મક તસવીર)

જેથી તેજસકુમાર એ બૂમ પાડી અને સાળો તથા સાસુને રોક્યા હતા અને કહ્યું કે ફેસબુક ઉપર તેમના ખોટા મેસેજ કેમ કર્યા છે? જેથી રાહુલ આવેશમાં આવી ગયો હતો અને ત્યાં બાજુમાં પડેલું વાંસનું લાકડું લઈને તેજસ કુમારને એક ફટકો માર્યો હતો.

બાદમાં તેજસકુમારના સાસુ અને સાળો મારી નાખવાની ધમકી આપીને ત્યાંથી જતા રહ્યા હતા. બાદમાં તેજસકુમારને સિવિલ હોસ્પિટલમાં ખસેડવામાં આવ્યા હતા. જ્યાં પોલીસને જાણ કરતાં સરખેજ પોલીસે મારામારીની અને ધમકી આપ્યાની તેજસકુમાર ના સાળા સામે ફરિયાદ નોંધી તપાસ હાથ ધરી છે. (પ્રતિકાત્મક તસવીર)