અમદાવાદમાં ગાજવીજ અને પવન સાથે વરસાદ, શહેરમાં સરેરાશ અડધો ઈંચ વરસાદ, સરખેજમાં 2 ઈંચ

અમદાવાદઃ 'નિસર્ગ' વાવાઝોડાની (Nisarga cyclone) અસરના પગલે ગુજરાતમાં સૌરાષ્ટ્ર અને દક્ષિણ ગુજરાતના અનેક વિસ્તારોમાં ભારે પવન સાથે વરસાદ પડ્યો હતો. જોકે, નિસર્ગ વાવાઝોડાની અસર અમદાવાદમાં (Ahmedabad) થઈ હતી. શુક્રવારે મોડી સાંજે અમદાવાદના વાતાવરણમાં અચાનક પલટો (change in the atmosphere) થયો હતો. વાતાવરણમાં આવેલા અચાનક પલટાના પગલે વાવાતરણમાં ઠંડ પ્રસરી હતી. અને મોડી સાંજે ભારે પવન સાથે વરસાદ પડ્યો હતો. વીજળીના કડાકા ભડાકા થતાં ઉનાળામાં પણ ચોમાસા જેવો માહોલ સર્જાયો હતો. આ સાથે અમદાવાદ શહેરમાં સરેરાશ અડધો ઈંચ વરસાદ પડ્યો હતો. જ્યારે સરખેજમાં બે ઇંચ વરસાદ પડ્યો હતો.

મળતી માહિતી પ્રમાણે શુક્રવારે સાંજના સમયથી જ અમદાવાદમાં વાતાવરણમાં અચાનક પલટો આવ્યો હતો. અને ઠંડો પવન ફૂંકાવા લાગ્યો હતો. ત્યાર બાદ મોડી સાંજે અમદાવાદમાં વીજળીના કડાકા ભડાકા સાથે વરસાદ પડ્યો હતો.

અમદાવાદના પશ્વિમ વિસ્તારમાં વરસાદ પડ્યો હતો. મળતી માહિતી પ્રમાણે અમદાવાદના વસ્ત્રાપુર, ચાંદખેડા, સેટેલાઈટ, એસજી હાઈવે, મકરબા, વેજલપુર, આશ્રમ રોડ, નારણપુરા, નવરંગપુરા, ઘાટલોડિયા, રાણીપ, ન્યૂ રાણીપ, સાબરતમી સહિતના પશ્વિમ અમદાવાદના વિસ્તારોમાં વરસાદ પડ્યો હતો. અમદાવાદના ઓઢવ, પાલડી, દાણાપીઠ, મણિનગરમા અડધો ઈંચ વરસાદ પડ્યો હતો. જ્યારે બોડકદેવ અને વટવામાં એક ઈંચ વરસાદ પડ્યો હતો.

સુત્રોના જણાવ્યા પ્રમાણે અમદાવાદના પૂર્વ ભાગમાં વરસાદ પડ્યો ન હતો. જોકે, આ વિસ્તારમાં વાતાવરણમાં પલટો જોવાયો હતો.

અમદાવાદમાં પડેલા વરસાદના પગલે વાતાવરણમાં ઠંડક પ્રસરી હતી. જેના પગલે શહેરીજનોને અસહ્ય ગરમીમાંથી રાહત મળી. સાથે સાથે વરસાદના પગલે નીચાણવાળા વિસ્તારોમાં પાણી ભારાયાના દ્રશ્યો પણ જોવા મળ્યો હતો.