અમદાવાદઃ સોલામાં લગ્ને લગ્ને કુવારા યુવકનું કારસ્તાન! એક બે નહીં પણ પાંચ યુવતીઓ સાથે કર્યા લગ્ન, આવી રીતે ફૂટ્યો ભાંડો

હર્મેશ સુખડિયા, અમદાવાદ: સોલામા લગ્ને લગ્ને કુવારા (sola unmarried boy) યુવકે એક નહિ પરંતુ પાંચ યુવતી (marriage with five girls) સાથે લગ્ન કરીને વિશ્વાસઘાત કર્યો (fraud marriage case) હોવાનો કિસ્સો સામે આવ્યો છે. યુવકની ચોથી પત્નીએ પોલીસ સ્ટેશનમા (police station) બળાત્કાર ની ફરિયાદ નોંધાવતા પોલીસે આરોપીની (police arrested fraud accused) ધરપકડ કરી છે. આરોપી સામે અગાઉ પણ એક મહિલાએ સેટેલાઇટ પોલીસસ્ટેશનમાં ફરિયાદ નોંધાવી હતી.

સોલા પોલીસે બળાત્કાર ના ગુનામાં આરોપી  પ્રબજોત ઉર્ફે પંકજ પંજાબીની ધરપકડ કરી છે. આરોપીએ લગ્ન કરવાની હદ વટાવી દીધી છે. તેણે એક કે બે નહિ પરંતુ પાંચ પાંચ લગ્ન કર્યા હોવાનો ઘટસ્ફોટ તેની ચોથી પત્નીએ કર્યો છે.

વાત કઈક એવી છે કે 2016મા ખાનગી કપંનીમા મહિલાનો પરિચય આરોપી પ્રબજોત પંજાબી સાથે થયો હતો. યુવતીના પ્રથમ પતિ સાથે છુટાછેડા થઈ જતા 2018મા પ્રબજોતે પોતે કુવાંરો હોવાનુ કહીને યુવતી સાથે  પ્રેમસંબંધ રાખ્યો.

મંદિરમા લગ્ન કરીને લીવ ઈન રીલેશનશીપમા રહેવા લાગ્યા હતા. આ દરમ્યાન એક દિકરીનો જન્મ થયો હતો. મહિલાએ પ્રબજોતને કોર્ટ મેરેજ કરવાનુ કહેતા આરોપી ઘર છોડીને ફરાર થઈ ગયો હતો.

અને આરોપીની અગાઉની એક પત્ની તેનો ફોટો લઈને આ મહિલાના ઘરે પહોચતા પ્રબજોતનો ભાંડો ફુટી ગયો હતો. મહિલાએ આક્ષેપ કર્યો છે કે પ્રબજોતે પરિણીત હોવા છતા કુવારો કહીને લગ્ન તો કર્યા પરંતુ પોતે શરૂ કરેલા કાફે અને લક્સુરીર્સ ગાડી વેચીને રૂપિયા ચાઉં કરી દીધા હતા.

આરોપીએ અગાઉ દર્શના સૈની, સંતવિન્દરકૌર, હિમાચલ પ્રદેશમા ચારૂ શર્મા સાથે લગ્ન કર્યા અને હવે શાર્મીન નામની યુવતી સાથે લગ્ન કરીને લીવ ઈનમા રહેતો હોવાનો ફરિયાદમા આક્ષેપ કર્યો છે.

આરોપીએ એક નહિ પરંતુ પાંચ યુવતી સાથે સંબંધના નામે વિશ્વાસઘાત કર્યો હોવાથી સોલા પોલીસે આ મહિલાની આરોપી વિરૂધ્ધ બળાત્કારનો ગુનો નોંધી ધરપકડ કરીને વધુ તપાસ શરૂ કરી હોવાનું સોલા પોલીસ સ્ટેશનના પીઆઇ જે પી જાડેજાએ જણાવ્યું છે.

એક વ્યકિતએ મિલકત અને પૈસાની લાલચમા પાંચ યુવતીની જીદંગી ખરાબ કરી દીધી. આરોપી અન્ય કોઈ યુવતી સાથે આવુ કૃત્ય ના કરે અને તેને કડક સજા થાય તેવી યુવતીએ પોલીસ સમક્ષ માંગ કરી છે. ત્યારે સોલા પોલીસે આરોપીના મેડીકલ તપાસ કરાવીને આ આક્ષેપોને લઈને વધુ તપાસ શરૂ કરી છે.